Ponte Areias de Esquerda

Ponte Areias de Esquerda valoriza resultados eleitorais de 22 de Maio

2011-05-25T11:25:00.000+02:00

158 votos de luz e rebeldia

De Ponte Areias de Esquerda manifestamos a nossa moderada satisfaçom polos modestos resultados obtidos pola nossa candidatura.

Com a sinceridade que nos carateriza temos que reconhecer que nom atingimos o objetivo marcado de incrementar o número de apoios à nossa alternativa.

Achamo-nos pois numha situaçom de estagnamento do voto soberanista e anticapitalista em Ponte Areias. Conjuntura que coincide com umha importante queda do BNG e do PSOE, e o incremento das duas fracçons nas que está dividida a direita que atingem umha cómoda maioria.

Somos conscientes das dificuldade que terá a esquerda independentista para ganhar representaçom na Cámara Municipal de Ponte Areias. A nossa aposta é a longo prazo. Sabemos que manter bem alto bandeiras irrenunciáveis e imprescindíveis para a libertaçom da classe trabalhadora na Galiza, provocará um avanço lento no ámbito institucional.

Mas sabemos também que esse caminho cumpre fazé-lo assim, com essas bandeiras por diante, e que valeria para pouco medrar por medrar renunciando aos princípìos estratégicos.

Ponte Areias de Esquerda nom assome como válido nem democrático o mecanismo eleitoral da burguesia nem abandona a reivindicaçom da necessidade de derrotar o capitalismo.

Nom ofertamos em lugar disso reformas mais assumíveis polas massas. Nós nom falamos galego cara a galeria para evitar só ser alvo de críticas de falta de respeito à nossa cultura e identidade nacional, tal como pratica o espanholismo de esquerda.

Nós nom reduzimos a luita polo socialismo e a soberania da naçom galega só à nossa sigla como o PSOE e o BNG.

Ponte Areias de Esquerda quer agradescer a cada umha e cada um dos cento cinquenta e oito votantes o seu apoio nas eleiçons de 22 de maio, pois som cento cinquenta e oito votos de luz e rebeldia os que atingimos nestes comícios.

O trabalho e a luita por umha Ponte Areias com pleno trabalho digno e de qualidade para todos e todas, com democracia e participaçom popular, ecologista, sem machismo e em galego deve continuar e assim será!

Ponte Areias de Esquerda realizou ato político de encerramento de campanha

2011-05-20T12:17:00.000+02:00

De Ponte Areias de Esquerda ficamos muito satisfeitos e satisfeitas com o resultado do ato político celebrado quinta-feira 19 de maio.

Manuel Monteiro "Tó" desenvolveu a nossa proposta de Conselho Popular de Ponte Areias depois de que Ilduara Medranho figera o mesmo com as nossas propostas em matéria de saúde. Lorena Alonso apresentou os pontos específicos do programa dirigidos às mulheres e finalmente Abraám Alonso deu umha vissom geral da situaçom atual do Concelho, do modelo de intervençom que defendemos e das prioridades e alternativas concretas de Ponte Areias de Esquerda.

A participaçom da vizinhança assistente realizando perguntas após finalizar as intervençons, assim como as monstras de apoio recebidas, fôrom um grande estímulo para afrontar a reta final da campanha.

Só fica dizer: é hora! Esquerda é futuro. 22 de maio vota Ponte Areias de Esquerda.

19 de Maio às 21h ato político de Ponte Areias de Esquerda

2011-05-18T13:52:00.000+02:00

Lugar: Taperia-restaurante A Nossa Terra.

Intervenhem:

António Monteiro. Nº 5 da candidatura
Ilduara Medranho. Nº 4 da candidatura
Lorena Alonso. Nº 3 da candidatura
Ana Belém Vicente. Nº 2 da candidatura
Abraám Alonso. Candidato à Presidência da Cámara Municipal

PARTICIPA!!!

Ponte Areias de Esquerda galeguizou placa de rua

2011-05-18T13:47:00.001+02:00

Açom simbólica em defesa do nosso idioma

17 de maio por volta das 19h Ponte Areias de Esquerda realizou umha concentraçom simbólica para reivindicar a plena galeguizaçom do Concelho.

Na confluência entre a rua Ciclista Emílio Rodrigues e a Avenida da Galiza, Ilduara Medranho deu leitura às nossas propostas nesta matéria recolhidas no programa eleitoral, reclamando a implementaçom de dez pontos a prol da galeguizaçom.

Posteriormente o candidato à Presidência da Cámara Municipal, Abraám Alonso, procedeu a galeguizar um sinal desta rua, um dos muitos que aínda há em espanhol no nosso Concelho.

Com esta açom queremos chamar a atençom sobre a situaçom que a nossa línga está a sofrer e da vital importáncia que tem no nosso projeto político a defesa da nossa identidade lingüística e nacional.

Viva o 17 de Maio
Por um Ponte Areias e umha Galiza no nosso idioma!

Dous comunicados polo 17 de Maio

2011-05-16T22:53:00.003+02:00

17 de Maio Por um Ponte Areias em galego

Os Concelhos som fundamentais na defesa do nosso idioma e cultural nacional. A delicada e preocupante situaçom da nossa língua, o galego, por mor da pressom espanholizadora promovida polo PP e PSOE, e a carência de vontade real do BNG por parar a estrategia assimilacionista, obriga às forças e movimentos populares comprometidos com a Galiza a recuperarmos a iniciativa.

De nós depende evitar a morte lenta do principal sinal identidade do Povo Galego, da Naçom Galega. Por este motivo o 17 de Maio nom pode ser umha mera data ritual, nom pode converter-se numha reivindicaçom folclorizante carente de conteúdo concreto. Todo o ano deve ser 17 de Maio.

Ponte Areias de Esquerda aposta pola plena normalizaçom do galego. Por este motivo comprometemo-nos, com a nossa entrada na Cámara Municipal, a luitar por:

Completa galeguizaçom de toda a a documentaçom administrativa, serviços municipais, programas de festas, bandos, editos, topónimos, rueiro, etc.
Plena galeguizaçom da rotulagem de todas as instalaçons municipais ou subsídiadas com fundos municipais e autonómicos.
O conhecimento do idioma galego será determinante nos concursos-oposiçom e qualquer prova de trabalho público.
A administraçom municipal fomentará o emprego do galego entre o funcionariado e todo o pessoal de serviço e laboral mediante cursos.
Galeguizaçom completa das emisoras e televisons municipais, e os webs de referência dos organismos dependentes da administraçom municipal, incluída a publicidade, colaboradores/as, profissionais e programas próprios e alheios (mediante dobragem e/ou legendagem).
Apoio especial à distribuiçom de materiais audiovisuais procedentes da área de países de língua oficial portuguesa (filmes, dvd, música, informática, banda desenhada, etc).
Aposta pola recepçom em breve prazo das ondas de rádio e televisom portuguesass, em reciprocidade com a recepçom efectiva das ondas da RG e da TVG na metade norte do país vizinho.
Estabelecimento de convénios de relaçom e colaboraçom com as administraçons públicas portuguesas, brasileiras e doutros países de língua oficial portuguesa, orientados a favorecerem intercámbios que ajudem na reorientaçom sociolingüística para o ámbito internacional que por língua, história e conveniência futura nos é próprio.
Aplicaçom de critérios lingüísticos à hora de estabelecer relaçons de qualquer género com cartórios notariais, gestorias, cámaras de comércio, corretorias, gabinetes de advogad@s, seguradoras, arquitectos e todo tipo de empresas relacionadas com a administraçom municipal, estabelecendo como condiçom o uso da nossa língua por parte das entidades privadas.
Estabelecimento de condiçons e critérios lingüísticos para qualquer relaçom, trato ou concessom a empresas privadas (indústria, banca, comércio e sociedades desportivas) por parte da administraçom municipal.

Candidata a Concelheira de Educaçom resposta em espanhol em entrevista de rádio

AO CUIDADO DE TODA A BASE SOCIAL DO BNG

Está fora das nossas intençons centrarmos as nossas preocupçons em criticar o programa ou propostas do resto das candidaturas que se apresentam em Ponte Areias às eleiçons de 22 de Maio. No fim de contas, sabemos que som na sua maior parte promessas com as quais procuram só a atraçom do voto para serem depois incumpridas.

O que sim vamos criticar, e fazer público, é o anúncio de medidas lesivas para os interesses da maioria social de Ponte Areias, ou que suponhem umha contradiçom entre o seu programa e esses interesses. Isto acabou de acontecer com o BNG.

O Bloque apresentou recentemente Cristina Fernández Davila como número 8 da sua candidatura e "futura Concelheira de Educaçom". Vaia por diante que nada temos contra a sua pessoa e também o nosso reconhecimento a todo o trabalho feito polas AMPAS e FAMPO de Ponte Areias em defesa da melhoria do ensino no Concelho.

O que criticamos e denunciamos é que nom se pode chegar ao extremo que atingiu o BNG, possuído por um eleitoralismo sem princípios. Apresentar como Concelheira de Educaçom umha candidata que intervém sem rubor nos meios de comunicaçom em espanhol é um giro copernicano que pom o BNG do outro lado da trincheira na luita pola defesa do idioma e a cultura galega.

Cumpre lembrar que o BNG fijo bandeira da defesa da língua desde a sua fundaçom, e que por meio de plataformas chamou em Ponte Areias a assistir a manifestaçons em favor do idioma.

Nom é de recibo para umha força que se di nacionalista apresentar concelheiros que falam em espanhol e que nom defendem a nossa língua. Ponte Areias precisa de concelheir@s comprometidos com a nossa cultura para a normalizaçom plena da nossa língua. Todas as críticas feitas ao PP e ao PSOE nesta matéria por parte do BNG ficam em declaraçons oportunistas. Na hora da verdade, apostam polo “todo vale” e por “o importante é obter representaçom”.

Apelamos à base social do BNG a abrir os olhos e ver como o BNG nom é mais do que umha caricatura do que algum dia quijo ser. Hoje, o BNG é umha força mais do regime monárquico espanhol que se diferença do PSOE em matizes e do PP em matizes um bocado mais grossos. O BNG nom está interessado em seguir caminhando face a histórica reivindicaçom de umha Galiza soberana e em galego.

Todas essas bandeiras ficárom no caminho da sua derrota como projeto transformador e libertador. Mas outras e outros, chegando depois, recolhemos essas bandeiras e com orgulho e sem complexos de nengum tipo seguimos a erguê-las em todos os nossos pronunciamentos, opinions e manifestaçons públicas e privadas.

Podes ouvir a entrevista íntegra aquí: Descarregar

Folha Informativa Nº 11: Descarregar (PDF | 1.51MB)
Folha Informativa Nº 12: Descarregar (PDF | 1.36MB)

Estivemos na feira de Ponte Areias

2011-05-14T23:31:00.000+02:00

Hoje sábado 14 de maio Ponte Areias de Esquerda distribui vários centos de exemplares do seu vozeiro entre o povo que participava na feira semanal.

Ao lado da haima instalada na entrada da rua de Oriente Abraám Alonso, acompanhado por ativistas da iniciativa vicinal soberanista e anticapitalista, sentiu o apreço e carinho de dúzias de vizinhos e vizinhas que animárom e manifestárom o apoio a nossa candidatura.

No equador da campanha eleitoral das municipais a nossa iniciativa manifesta satisfaçom polo incremento da receptividade que vai sentindo e encontrando em setores do povo trabalhador a medida que se achega a data de 22 de maio.

É hora, esquerda é futuro, vota Ponte Areias de Esquerda.

Partidos do sistema hipocritamente suspendem hoje campanha eleitoral

2011-05-12T19:06:00.000+02:00

As forças políticas sistémicas do circo eleitoral acordárom em Madrid suspender hoje a campanha às municipais de 22 de maio em "solidariedade" com as vítimas do terramoto de Lorca.

Zapatero e Rajói pactuárom onte à noite esta decisom sem consultar com o resto de forças que assumírom acriticamente umha decisom imposta.

As três candidaturas soberanistas e anticapitalistas do Sul da Galiza lamentamos as mortes e as dúzias de pessoas feridas, a destruiçom de bens materiais privados e públicos, a perda de casas e aparelho produtivo, provocados polo seismo, mas consideramos que este tipo de decisons nom passem de ser umha fariseia operaçom de marqueting que nom contribui a paliar as necessidades dos milhares de afectados e afectadas.

Manifestamos a nossa solidariedade a todas as pessoas afectadas por esta tragédia na que o lucro capitalista tem enormes responsabilidades pola destruiçom de prédios construidos com materiais deficientes que agravárom as conseqüências do movimento sísmico.

No treito desta campanha eleitoral municipal tenhem morrido vários trabalhadores galegos em acidentes laborais, e no conjunto do Estado espanhol a violência machista tem segado a vida de mulheres, sem que estes factos provoquem no PP, PSOE, BNG e IU a adopçom de umha decisom como a aplicada hoje.

Ponte Areias de Esquerda, Porrinho de Esquerda e Salvaterra de Esquerda nom fôrom nem consultadas nem avisadas desta decisom que a Junta Eleitoral também desconhece.

Lamentamos a instrumentalizaçom da dor do povo trabalhador polos partidos que representam os interesses do Capital, e sobre todo o cinismo e hipocrisia com a que atuam. Hoje em Salvaterra de Minho o PSOE megafoneou, assim como o PP em Ponte Areias.

12 de maio de 2011

Por um debate público com presência de todas as candidaturas

2011-05-12T09:42:00.000+02:00

Ponte Areias de Esquerda empraça às demais candidaturas de Ponte Areias à celeraçom de um debate público com a presência de cada um dos candidatos à presidente da Cámara Municipal. Trata-se de ofertar ao conjunto da populaçom o resumo das propostas de cada umha das seis forças políticas que concurrem nestes comícios e a possibilidade de assistir à explicaçom das diferências entre uns e outros e ao seu contraste imediato por parte da vizinhança.

Sem mais, apresentamos e fazemos-vos chegar esta convocatória pública a PP, BNG, PSOE, ACP e IU e ficamos aguardando a vossa resposta para combinar e marcar dia, hora e lugar. Ponte Areias de Esquerda tem toda a vontade e disponibilidade.

Boicotam propaganda de Ponte Areias de Esquera

2011-05-11T10:00:00.004+02:00

A campanha continua

Na manhá da segunda feira o mural situado na rua dos Ferreiros, assim como outros mais de menores dimensons situados em diferentes pontos de Ponte Areias, apareciam riscados com pintura preta ou com bandeiras espanholas no caso do primeiro.

De Ponte Areias de Esquerda aguardamos que estes ataques, continuados nos últimos meses, contra a esquerda independentista e socialista no Condado nom fiquem impunes.

A campanha continua a bom ritmo, com ilusom e superando estes pequenos contratempos contra os quais há que estar em alerta. O espanholismo e a extrema direita pretendem infrutuosamente impedir o nosso avanço por todos os meios; sabem que somos a única alternativa em Ponte Areias à situaçom atual.
Novos murais fôrom realizados, assim como restaurados ou novamente elaborados os boicotados.

É hora! 22 de Maio vota Ponte Areias de Esquerda

Ponte Areias de Esquerda deu início à campanha

2011-05-06T20:07:00.002+02:00

Depois de apresentar a candidatura o dia 4, às 0h do dia 6 de maio tinha lugar o início da campanha eleitoral.

Ponte Areias de Esquerda escolheu a rua dos Ferreiros para solicitar o respaldo eleitoral pintando "vota" no mural gigante que tinha ido elaborado semanas atrás. A jornada continuava com a colagem de cartazes e faixas até altas horas da madrugada.

É hora, 22 de maio vota Ponte Areias de Esquerda.

Veto no Faro de Vigo às candidaturas de esquerda soberanista anticapitalista

2011-05-05T00:08:00.000+02:00

Apresentamos a seguinte denúncia na Junta Eleitoral de Zona de Ponte Areias

Eu, Abraám Alonso Pinheiro, maior de idade e vizinho de Ponte Areias com domicílio em Rua Fermim Bouça Brei nº3, 7ºG, com telefone de contato 633 410 401, em representaçom de Ponte Areias de Esquerda

Expôm:

Às 12:15h de 4 de Maio de 2011 recebi correio eletrónico com as ligaçons de Faro de Vigo:

http://mas.farodevigo.es/elecciones2011/municipales/ponteareas/candidatos.html

http://mas.farodevigo.es/elecciones2011/municipales/porrino_o/candidatos.html

http://mas.farodevigo.es/elecciones2011/municipales/salvaterra_de_mino/candidatos.html

Na informaçom que aparesce nos apartados correspondentes aos links, nem eu como candidato a alcaldia de Ponte Areias por Ponte Areias de Esquerda, nem Lara Soto Gonçales nem David Pichel Freiria de Salvaterra de Esquerda por Salvaterra e Minho e Porrinho de Esquerda por Porrinho respetivamente, aparescemos recolhidos entre os candidatos/as e candidaturas que se concurrem o 22 de Maio às eleiçons municipais.

Considero que Faro de Vigo além de proporcionar ao eleitorado umha informaçom errónea, está a condicionar o processo eleitoral e os resultados de 22 de Maio ao promocionar umhas siglas e ocultar outras num espaço que apresenta como informativo e nom é polo tanto publicidade contratada por nengum dos partidos.

Todo o tempo que essa informaçom esteja publicada sem subsanar o erro, redunda em benefício das demais candidaturas e em perjuiço da nossa, provocando maior dano ao processo eleitoral ao concurrir em condiçons de desigualdade com as outras candidaturas num meio que pretende informar verazmente a respeito das candidaturas disponíveis para o eleitorado votar em 22 de Maio.

Solicita:

Que esta JEZ tome todas as medidas necessárias para que Faro de Vigo corrija quanto antes o erro cometido.

Que se solicite a Faro de Vigo a publicaçom de desculpas públicas a Ponte Areias de Esquerda, Salvaterra de Esquerda e que se ponha em conhecimento da JEZ de Tui o caso por afetar a umha candidatura da sua Zona.

Que se estude o possível cometimento por parte de Faro de Vigo de um delito eleitoral e que os tribunais iniciem o processo correspondente se assim for.

A atençom da JEZ de Ponte Areias

Assdo:

Ponte Areias 4 de Maio de 2011

Ponte Areias de Esquerda participou no 1º de Maio

2011-05-02T16:06:00.000+02:00

Ponte Areias de Esquerda assistiu com faixa conjunta, com as outras duas candidaturas da esquerda soberanista e anticapitalista do Sul da Galiza, às manifestaçons do 1º de Maio de Vigo convocadas polo sindicalismo galego de classe.

Umha faixa de Ponte Areias de Esquerda, Porrinho de Esquerda e Salvaterra de Esquerda, com a legenda "A luita obreira e popular é o único caminho", participou nas manifestaçons da CIG e da CUT.

1º de Maio: A luita obreira e popular é o único caminho

2011-04-30T18:51:00.000+02:00

As candidaturas da esquerda anticapitalista e soberanista do Sul da Galiza apelamos ao conjunto da classe obreira e do povo trabalhador a participar ativamente no dia do Internacionalismo Proletário.

Ponte Areias de Esquerda, Porrinho de Esquerda e Salvaterra de Esquerda respaldamos as manifestaçons convocadas em Vigo polo sindicalismo galego de classe. Participaremos com umha faixa conjunta na mobilizaçom da CUT e da CIG que partirám às 11 horas da praça de Fernando o Católico e às 12 do cruzamento da Dobrada respetivamente.

Ponte Areias de Esquerda solicita ao Concelho que exija a Fomento rematar com discriminaçom a Ponte Areias

2011-04-28T23:50:00.000+02:00

Em 27-04-11, Ponte Areias de Esquerda dava entrada no registo da cámara municipal de Ponte Areias dumha solicitude com o seguinte conteúdo:

Ponte Areias de Esquerda expôm perante a Cámara Municipal de Ponte Areias:

Na autovia A52 desde Compostela como desde Ourense, Ponte Areias nom aparece sinalizada nos paineis até a poucos quilómetros do nosso Concelho. Assim todo o mundo conhece pessoas que querendo chegar a Ponte Areias rematam em Tui no caso de vir desde o norte do país.

Tampoco desde Tui aparece Ponte Areias sinalizada nos paineis da autovia.

É inconcevível que concelhos vizinhos, com menor número de habitantes sim estejam reflexados na sinalizaçom e que Ponte Areias nom apareça até pouco antes da própria saída que da acesso ao Concelho.

Solicita:

Que a Cámara Municipal exija imediatamente ao Ministério de Fomento o final da discriminaçom que existe com Ponte Areias e que fique corretamente sinalizada nos paines das autovias que permitem aceder ao nosso Concelho.

Que a presente moçom seja dabatida no próximo pleno da Cámara Municipal.

Concelho concede irregularmente licência a Regino

2011-04-19T21:14:00.000+02:00

A política municipal de Ponte Areias está exercida por delinquentes

Em Junta de Governo de 15 de Novembro de 2010 Salvador González Solla, Juan Carlos González Carrera, Raquel Bautista Alfaya, Domingos Freitas Dalmeida e José Iglesias Fernández, votavam a favor de conceder licência a "Promociones y Construcciones Boo Varela S.L". O assunto nom teria importáncia algumha e nom ser porque a licência foi concedida com informes desfavoráveis da arquiteta e secretária municipais.

Lamentavelmente a concessom de licências a empresários amigos nom é excepçom e sim é regra na Cámara Municipal. As actas estám cheias de ilegalidades e o Concelho converte-se assim num legitimador de operaçons empresariais ilegais.

Tendo em conta o poder e os meios com que conta a delinquência empresarial e a cumplicidade da delinquência política, a Cámara Municipal ocupa boa parte do seu tempo e recursos em atender as demandas e pressons dessos grupos empresariais. Recursos e tempo que devem ser dirigidos a atender as necessidades da maioria social que é quem sostém com o seu trabalho as arcas municipais e a quem se tem que dever o trabalho do governo municipal.

Solla e Carrera som delinquentes e dizemo-lo com todas as letras. Se denominamos assim a quem rouba em estabelecimentos comerciais para sobreviver, como nom o vam ser aqueles que permitem mover milhons de euros a empresários amigos, a costa de saltar-se a legalidade vigorante e custeando ademais todos os trámites com fundos públicos?

Ponte Areias de Esquerda compromete-se públicamente a sacar à luz e pôr a disposiçom da vizinhança todas as irregularidades cometidas na Cámara Municipal nas últimas décadas com nomes e apelidos e procurando que os responsáveis paguem por elas.

Ponte Areias de Esquerda compromete-se a pôr à disposiçom dos interesses do Povo Trabalhador de Ponte Areias todo o seu trabalho desde a Cámara Municipal. Os interesses do empresariado nom som a nossa preocupaçom. Para atender os seus interesses estám os demais partidos.

Folha Informativa Nº 10: Descarregar (PDF | 2,89MB)

Folha Acta Nº 1: Descarregar (PDF | 2,97MB)

Folha Acta Nº 2: Descarregar (PDF | 2,86MB)

Exigimos à Cámara Municipal a posta em andamento das cinco medidas fatíveis e necessárias que apresentamos em Fevereiro

2011-04-10T04:59:00.000+02:00

Continua a aumentar desemprego em Ponte Areias atingindo 2781 em Março

Continua o aumento do desemprego no nosso Concelho atingindo mais do 17% da populaçom ativa de Ponte Areias.

De Ponte Areias de Esquerda assistimos, sentindo vergonha alheia, a como governo local e conjunto da oposiçom apresentam novamente as mesmas receitas que, eleiçom após eleiçom vendem ao conjunto da populaçom. Há umha crise estrutural que é nova pola sua profundidade e alcance mas governo e oposiçom só proponhem mais do mesmo ancorados nas suas limitaçons de partidos sistémicos.

Ponte Areias de Esquerda apresentou no mes de fevereiro “cinco medidas fatíveis e necessárias” para contribuir a paliar a situaçom que no interior das 2781 desempregadas e desempregados carescem já de qualquer subdsídio. Som cinco medidas melhoráveis mas que suponhem umha proposta real e materializável a curto praço e baixo custo.

Podem consultar-se em:

http://ponteareias.deesquerda.org/2011/03/ponte-areias-de-esquerda-propom-5.html

Exigimos ao governo local imediata posta em andamento destas cinco medidas e que atenda no tempo que lhe fica ao frente da cámara municipal o que deve ser prioridade de qualquer governo digno de tal nome.

Ponte Areias de Esquerda compromete-se a pôr em andamento todas as medidas necessárias para paliar esta dramática situaçom que aumenta mês a mês e que fica tam lonje da realidade que vivem os diferentes candidatos e membros das outras candidaturas.

Trabalhamos voluntariamente domingos para defender interesses populares

2011-04-05T01:00:00.000+02:00

Domingo 3 de Abril tinha tivo lugar umha jornada de trabalho da candidatura Ponte Areias de Esquerda. Pola manhá levava-se a cabo a realizaçom de um grande mural na rua dos Ferreiros dando assim a conhecer a legenda íntegra da campanha: É HORA! ESQUERDA É FUTURO. Ao longo dos últimos meses tinham sido difundido por Ponte Areias uns relógios com o desenho que se anexa nas imagens.

Já pola tarde combinamos para elaborar faixas. A nossa total independência económica de qualquer “padrinho” e contarmos só com os recursos próprios e de simpatizantes, leva-nos a suplir essas dificuldades com imaginaçom e entrega militante. Trabalhamos cheias de ilusom e alegria ao saber que o nosso trabalho possibilita socializar umha alternativa de esquerda real, do povo, anticapitalista e soberanista, combativa, que nem se compra nem se vende.

Estamos seguras e seguros que a maioria do povo de Ponte Areias quer no concelho umha força como a nossa. Depende do nosso esforço e da colaboraçom de quem já nos conhece chegar a toda essa populaçom que relaciona política com negócio para uns poucos, com corrupçom e com enchufismo. A medida em que nos vaiam conhecendo verám que há possibilidade de dar um salto de gigante na defesa dos seus interesses com a nossa presença na Cámara Municipal.

Incrível mas certo: Ponte Areias nom tem serviço de Bombeiros

2011-04-02T13:34:00.001+02:00

Novamente levamos ao Julgado Concelho de Ponte Areias

Sim tal e como o afirmamos. Todo parescia indicar o contrário mas nom. Um concelho com mais de 20.000 habitantes como é o nosso obrigado por lei a contar com servizo de bombeiros caresce a dia de hoje do tal.

Estamos perante umha das mais graves negligências cometidas e mantidas polos diversos governos que até hoje tenhem ocupado a Cámara Municipal. Estam-se a pôr em perigo vidas humanas e ao tempo incumprindo a lei galega de emergências.

Segundo afirmava González Carrera na imprensa, sendo ele concelheiro em 1996 constituia-se o servizo de bombeiros e proteçom civil. Umha mentira como tantas outras da extrema direita local; quince anos depois, exercendo ele mesmo a concelheria de tránsito e segurança cidadá até há bem pouco a mentira continua e a ausência dum serviço de bombeiros exercido por pessoal com essa categoria também. A página do Concelho recolhe a existência deste serviço, a imprensa recolhe também às vezes novas das intervençom dos “bombeiros”... no BOP publicam-se resoluçons que recolhem a existência dum parque de bombeiros... mas nom há contratado desde o Concelho de Ponte Areias nem um só. O que sim há som pessoas a desenvolver trabalhos para os que nom estám qualificados, ponhendo em perigo a sua vida e as dos demais.

Ponte Areias de Esquerda apresentou no Julgado de Ponte Areias denúncia contra González Carrera como máximo responsável da situaçom gerada, embora continuada por todas e todos os demais. Sabemos da passividade da “justiça” espanhola nestes casos, muito diferente a sua agilidade para encarcerar sindicalistas sem prova algumha e sem juízo, mas nom por esso imos deixar de denunciar irregularidades e ilegalidades tam graves e temerárias.

Aguardamos nom ter que lamentar a morte de ninguém por causa da situaçom atual. Só umha força como Ponte Areias de Esquerda tem a valentia e vontade suficientes para fazer fronte a política dos de sempre como negócio para os de sempre. Ponte Areias nom pode continuar sem contar com um serviço de emergências formado por pessoal qualificado e com as categorias que manda a lei.

A entrada de Ponte Areias de Esquerda na Cámara Municipal suporá ao Povo Trabalhador de Ponte Areias contar com olhos e ouvidos no seu interior. A maioria social do Concelho contará com capacidade de decissom no meio desses indecentes de PSOE, BNG, PP e ACP-UCPA que só ofertam continuar como até agora.

De Ponte Areias de Esquerda exigimos:

Imedita convocatória de concurso público de prazas para cubrir os postos atualmente desenvolvidos por pessoal sem qualificaçom.

Que os atuais membros que emprestam o serviço poidam apresentar-se em igualdade de condiçons que qualquer vizinho ou vizinha para optar a legalizar a sua situaçom.

Retirada da placa do parque de bombeiros ao nom existir tal serviço de bombeiros atualmente.

Folha Informativa Nº 8: Descarregar (PDF | 1,6MB)

Ponte Areias de Esquerda solicita plena municipalizaçom da piscina

2011-04-01T20:51:00.001+02:00

É o momento dumha piscina pública!

O abandono e incumprimento do contrato por parte da empresa privada GESPORT com o Concelho de Ponte Areias trai novamente à luz o fracasso da gestom privada no que devem ser serviços públicos. Enquanto a piscina deu benefício a acionista maioritária geriu-na junto com a vigiláncia a banhistas na praia fluvial da Freixa. Agora que nom acham negócio nessa gestom, abandonam incumprindo o contrato que a obrigava a treze anos mais de serviço.

De Ponte Areias de Esquerda achamos que o Concelho deve aproveitar a situaçom criada para fazer-se com o controlo total da gestom da piscina dotando Ponte Areias dumha piscina pública e verdadeiramente municipal.

A gestom municipal da piscina criará postos de trabalho público, umha grande necessidade para um concelho que conta com mais de 2749 em março. A criaçom de emprego público na piscinia e em qualquer ámbito deve ir acompanhada do despreendimento das dezenas de enchufados que ficam em nómina da Cámara Municipal.

Com umha piscina pública poderám aplicar-se parcialmente medidas que se acham no nosso programa de desportos para Ponte Areias, concretamente:

Gratuidade no uso da piscina para pessoas em desemprego assim como para as suas filhas e filhos.
Gratuidade no uso da piscina para pessoas com recomendaçom médica da prática da nataçom.
Gratuidade de cursos de nataçom para pessoas que nom saibam nadar.

Folha Informativa Nº 9: Descarregar (PDF | 1,8MB)

Concelho impede Liberdade de Expressom

2011-03-29T17:31:00.001+02:00

Solla continua a incumprir a sua palavra

Os posicionamentos da nossa candidatura som sistemáticamente retirados da via pública por operários da limpeza sujeitos às ordens da concelheria de Meio Ambiente de Ponte Areias. Nom está de mais lembrar que o Concelho está a cometer um delito ao retirar da rua a voz dumha força política e atentar assim contra o direito de livre expressom.

Salvador González Solla manifestou em reuniom mantida com representantes de Ponte Areias de Esquerda que há denúncias de proprietários de imóveis perante a proliferaçom de cartazes de discotecas que empapelavam literalmente paredes inteiras. Por motivo dessa situaçom tomárom a determinaçom de aplicar a Ordenança municipal de limpeza e segurança viária.

Da nossa parte manifestamos que nom é o mesmo a publicidade que poidam fazer empresas com situaçons económicas que lhes permitem publicitar-se por outros meios que os posicionamentos dumha força política, coletivo vicinal, assembleia de mulheres, associaçom cultural... que perante o silenciamento meidático quase total só tenhem a rua para transmitir as suas opinions e alternativas. Solicitamos que a nossa propaganda fosse respeitada. Solla comprometeu-se até em duas ocasions a que sim respeitaria os nossos posicionamentos.

O que há no fundo da atitude do alcaide e do governo local, e no incumprimento da sua palavra é a intençom de silenciar à única força política que chama às cousas polo seu nome, e que nom tem medo nengum a fazer fronte ao exercício de poder dos Solla-Carrera entendido como negócio para eles e os seus.

Assim, Ponte Areias de Esquerda ou membros da nossa candidatura tenhem abertos processos judiciais contra Solla, Carrera e cia. Nós denunciamos públicamente toda atitude e decisom caciquil, irregular ou antidemocrática das quais tenhamos constáncia, seja quem for e sem importar o partido político que as leve a cabo, caia quem caia. Isso é o que querem silenciar.

É mais imoral aínda a atitude de Solla quando em poucos dias começaremos a ver a propaganda do seu partido colada por toda a parte, e quando nesse caso suspenderám a aplicaçom da nomeada Ordenança.

Ponte Areias de Esquerda continuará a empregar a rua como principal espaço de denúncia e intervençom política pois é o espaço natural e prioritário para umha força de esquerda como a nossa. Como única alternativa real e coerente que somos a tanta imundícia, corrupçom e mentira existente no governo de Ponte Areias faremos todos os esforços possíveis para superar umha nova tentativa de invisibilizaçom.

Gostem ou nom somos quem destapará e porá ponto e final aos seus sujos negócios a custa da maioria social trabalhadora de Ponte Areias.

Folha Informativa Nº 7: Descarregar (PDF | 1,45MB)

Ponte Areias de Esquerda distribui entre @s desempregad@s alternativas para gerar postos de trabalho

2011-03-23T01:39:00.000+01:00

Na manhá de 22 de março às portas do INEM tinha lugar o início do reparto dos centos de caderninhos editados por Ponte Areias de Esquerda com as “Cinco medidas fatíveis e necessárias” para contribuir a paliar a situaçom de desemprego que padece boa parte da classe trabalhadora.

Manifestamos a nossa satisfaçom pola boa acolhida das propostas mas ao tempo o sabor agridoce dessa mesma boa acolhida. Todas e todos manifestavam o seu malestar, desesperaçom e impotência perante o abandono absoluto ao qual se vem condenadas e condenados na atual situaçom.

As cinco medidas som tal e como explicavamos ao entregar os caderninhos, seguramente melhoráveis, mas som umha receita diferente pensada para emprestar atençom ao principal problema que sofre Ponte Areias a dia de hoje: as e os mais de 2.749 trabalhadores e trabalhadoras sem trabalho.

Querer é poder, e tendo vontade pode-se. Ponte Areias de Esquerda tem essa vontade!

http://ponteareias.deesquerda.org/2011/03/ponte-areias-de-esquerda-propom-5.html

Julgados de Ponte Areias solicitam informaçom ao Concelho polo caso dos cobramentos na festa do Corpus

2011-03-19T16:04:00.000+01:00

Os julgados de Ponte Areias figérom-se eco da denúncia apresentada por Ponte Areias de Esquerda e solicitam agora informaçom à Cámara municipal a respeito de quem eram as pessoas encarregadas de executar o cobramento por estacionar o dia 6 de fevereiro de 2010.

Sabemos que a justiça tem pouca pressa e interesse em remeger irregularidades cometidas pola administraçom pública, parte como ela mesma do aparelho de Estado. Mas em todo caso nom podemos senom alegrar-nos porque esse passo fosse dado.

O acontecido no presente caso supom um dos mais claros e abertos exemplos de como entende Juan Carlos Carrera a política municipal. Ponte Areias foi naquele dia de Corpus o seu feudo particular no qual decidiu cobrar aranceis por estacionar ao entender que na sua qualidade de concelheiro de vias e obras e segurança cidadá, tinha direito a proceder de tal jeito.

Mais grave aínda é o acontecido com o Colégio Fermim Bouça Vrei cuja AMPA permitiu o uso dos seus pátios sempre e quando este tivesse lugar sem fins lucrativos como consta por escrito.

Com razom da ACP tenhem que apresentar-se de cara as municipais dizendo que som pessoas... Som pessoas sim, sem escrúpulos, das que nom duvidam em aplicar medidas para saquear o povo trabalhador.

De Ponte Areias de Esquerda voltamos manifestar o nosso total compromisso a trabalhar desde a Cámara Municipal para fazer fronte a toda essa fauna que como Carrera, parasita no lombo do trabalho da maioria social de Ponte Areias.

Apostar em Ponte Areias de Esquerda é ganhar em democracia e num concelho ao serviço da classe trabalhadora.

Folha Informativa Nº 6: Descarregar (PDF | 1,85MB)

Candidaturas realizárom ceia-ato político

2011-03-16T17:00:00.001+01:00

Na noite de 12 de março decorreu a primeira ceia das três candidaturas da esquerda soberanista e anticapitalista de Ponte Areias, Porrinho e Salvaterra.

Num ambiente festivo, as horas fôrom passando num conhecido restaurante de Ponte Areias, até ter lugar o ato político em cujas intervenços se fijo um apelo à necessidade da presença das nossas candidaturas nas três Cámaras Municipais para marcar o início do fim da política do negócio e o lucro duns poucos, e para abrir à porta a democracia real e aos governos da defesa da maioria social.

A candidata de Salvaterra, Lara Soto, assim como os de Porrinho, Ponte Areias, David Pichel e Abraám Alonso, recordárom na sua intervençom a Telmo Varela e Miguel Nicolás, sindicalistas presos na Lama.

Do orgulho de ser três candidaturas emanadas do seio do povo trabalhador apelárom a procurar apoios por toda a parte e a contribuir a explicar que somos iniciativas completamente diferentes a qualquer das outras que se apresentam nos nossos Concelhos.

Ponte Areias de Esquerda distribui flores entre as mulheres

2011-03-08T20:59:00.000+01:00

Para celebrar o Dia Internacional da Mulher Trabalhadora foi distribuido entre as mulheres que hoje compravam no mercado municipal de Ponte Areias e à entrada de diversos supermercados um cartom de felicitaçom acompanhado por um raminho de flores.
Com esta inicaitiva Ponte Areias de Esquerda somasse à reivindicaçom dos plenos direitos das mulheres trabalhadoras e ao combate contra toda forma de opressom e exploraçom machista e patriarcal.

Hoje o 8 de março cumpre um século. A Conferência Internacional de Mulheres Socialistas, reunida em Copenague em 1910 proclamou o Dia Internacional da Mulher Trabalhadora, a proposta da dirigente comunista alemá Clara Zetkin, como umha jornada de luita polos direitos das mulheres.

A data celebrou-se por primeira vez ao ano seguinte em diversos países europeios e paulatinamente foi implantando-se em todo o planeta.

8 de Março, Dia Internacional da Mulher Trabalhadora

2011-03-07T18:10:00.000+01:00

Manifesto contra a discriminaçom e a prol da plena igualdade

As mulheres que integramos as candidaturas municipais de esquerda soberanista e anticapitalista galega Salvaterra de Esquerda, Ponte Areias de Esquerda e Porrinho de Esquerda, realizamos domingo 6 de Março um encontro para analisar e debater a problemática específica que padecemos as mulheres por este sistema machista e patriarcal.

Com a crise capitalista nom só persistem as discriminaçons e opressons históricas, também se incrementam as desigualdades em todos os aspectos das nossas vidas. Sobre nós recai a responsabilidade de manter a economia familiar com menores ingressos; temos os piores trabalhos, os temporais e de menor salário; cobramos menos que os homens nos mesmos postos; com os salários tam baixos a possibilidade de separar-nos ou divorciar-nos esfuma-se; a falta de serviços sociais públicos ocasiona que sejamos nós as que adiquemos todo o nosso tempo “livre” ao cuidado da casa, das crianças e de familiares doentes e idosos; como consequência de todo isto as nossas pensions som e serám mínimas, no caso de ter “direito” a receber algumha; os nossos corpos seguem a ser considerados objectos e trofeus; a nossa sexualidade nom está reconhecida pois os nossos papeis na vida só podem ser dous: maes e esposas; sofremos a violência machista todos os dias de múltiplas formas, desde a verbal até a física; e assim poderiamos seguir numha interminável listagem.

Por todas estas razons negamo-nos a que o nosso espaço “natural” continue a ser a casa e o mundo privado.

Nós, as mulheres das candidaturas de Salvaterra de Esquerda, Porrinho de Esquerda e Ponte Areias de Esquerda, reclamamos o nosso direito a ocupar também o espaço público. Somos conscientes que a política é um âmbito tremendamente masculinizado, feito por homens e para homens.

Por isso nom queremos, nem podemos deixar passar esta oportunidade de fazer ouvir as nossas propostas e necessidades, fazendo de este 8 de Março, Dia Internacional da Mulher Trabalhadora, umha data reivindicativa que denúncia todas as formas de opressom, exploraçom e dominaçom que padecemos polo único facto de sermos mulheres trabalhadoras galegas.

O projecto político do que formamos parte considera fundamental transformar de raíz a política institucional vigorante, combatendo o machismo em todas as suas formas e manifestaçons.

É por isso que após ter avaliado a situaçom atual de Ponte Areias, Porrinho e Salvaterra comprometemo-nos a aplicar as seguintes propostas programáticas:

Elaboraçom e posta em andamento de um Plano de Igualdade.
Políticas efectivas em prol da igualdade de oportunidades no âmbito laboral.
Criaçom de políticas laborais específicas destinadas a fomentar a independência económica das mulheres. Establecerá-se também um plano concreto para mulheres afectadas pola violência machista.
Promoçom de cooperativas de mulheres mediante ajudas e subsídios especiais de toda forma de trabalho cooperativo conformado exclusivamente por mulheres.
Alargamento paulatino da rede de infantários públicos com horário flexível, adaptado ao mercado laboral.
Criaçom de um serviço municipal de baby-sitters com apoio da Junta da Galiza, para atendimento e assistência das ciranças em casa.
Criaçom de umha rede de andares gratuitos para as mulheres vítimas da violência machista e para seus filhos e filhas, se tiverem.
Cursos de autodefessa para as mulheres, espcialmente para as adolescentes.
Plano Municipal de Alfabetizaçom de Mulheres com o objectivo de erradicar o analfabetismo, atender á formaçom integral de adultas e introduzir a utilizaçom das novas tecnologias entre as mulheres com mais de 40 anos.
Utilizaçom de umha linguagem nom sexista em todos os âmbitos públicos.
Retirada de subsídios e ajudas a todos aqueles meios de comunicaçom que mostrarem umha imagem denigrante das mulheres.
Criaçom de um Centro de Orientaçom sexual, especialmente dirigido as moças, mas nom só.
Fomento de ajudas públicas ao associacionismo das mulheres.
Fomento do desporto feminino de base.

Condado/Lourinha, 6 de Março de 2011

Ponte Areias de Esquerda propóm 5 medidas fatíveis e necessárias

2011-03-03T17:51:00.000+01:00

O desinteresse do Concelho perante a alarmante situaçom de desemprego e pobreza é intolerável e improrrogável

QUERER É PODER

Ponte Areias de Esquerda propóm 5 medidas fatíveis e necessárias

As seguintes propostas som perfeitamente materializáveis e a um custo muito baixo. Os benefícios a obter som evidentes entendendo-os à margem da visom empresarial e de negócio que acostumam acompanhar as iniciativas municipais impulsionadas em quaquer concelho e por qualquer das forças políticas tradicionais. Simplesmentes querer é poder.

PROPOSTAS

1º Criaçom de Escola Cooperativa Municipal de Obras (ECMO)

Com a simples construçom de umha nave, o Concelho pode albergar no seu interior o talher central dessa cooperativa. Trabalhos de construçom, metal, eletricidade, tubeireria, calderaria... demandados em Ponte Areias podem ser desenvolvidos por trabalhadoras/es desses setores em situaçom de desemprego. As necessidades do Concelho nestas matérias podem ser cubertas pola própria cooperativa que daria trabalho e que teria menos custo às arcas municipais do que a contrataçom de empresa privada. Ao tempo, todas e todos podemos aprender outros ofícios aprendendo da experiência das e dos demais.

2º Criaçom de Horta Escola Municipal

A habilitaçom de vários terrenos de titularidade municipal e a sua divisom em parcelas podem ser cedidas temporáriamente a aquelas vizinhas e vizinhos que o solicitem permitindo a produçom hortícola para o consumo doméstico. Estes produtos contribuiriam ao abaratamento da cesta da compra. Ao tempo realizaria-se aprendizagem polas pessoas interessadas.

3º Criaçom da Granja-Escola Municipal

Construindo em combinaçom com membros da primeira proposta umha nave que permita albergar diferentes animais, e em combinaçom com membros da segunda proposta para permitir a sua parcial alimentaçom, permitiria-se a produçom de ovos, carnes e leite. Também teria lugar a aprendizagem nesta matéria.

4º Criaçom de Escola talher de reciclagem e têxtil

Com um espaço físico de mediana dimenssom deve constituir-se umha escola talher onde aprender a reciclar para novos usos a multidom de objetos que consideremos resíduos e dos quais boa parte podem ser empregados para outros usos. Assim o óleo de uso culinário é fácimente reconvertível em sabom. Outro tanto de mesmo acontece com o têxtil. Som muitas as prendas que podem ser arranjadas ou reconvertidas em peças para outros usos. Vidro, cartom, móveis... objetos todos de uso diário e ao alcance de todas e todos podem ter umha nova vida e contribiur a evitar gastos inecessários.

5º Criaçom de Escola Cozinha Económica e Comedor Popular Municipal

A habilitaçom dum espaço onde poder cozinhar grandes quantidades de comida, combinando parcialmente esta iniciativa com a segunda contribuiria a permitir alimentar-se a baixo custo a todas aquelas pessoas que por necessidade ou por gosto decidíram apostar por beneficiar-se do trabalho e comidas na Escola Cozinha Económica e Comedor Popular Municipal. Também ao igual que as anteriores propostas serviria de ponto de encontro e aprendizagem da matéria específica de cada umha.

Apresentamos denúncia contra candidato da extrema-direita local

2011-02-14T18:27:00.009+01:00

Carrera alegadamente involucrado em graves irregularidades

Ponte Areias de Esquerda apresentou na manhá de 14 de Fevereiro, nos tribunais de Ponte Areias, denúncia contra Juan Carlos González Carrera como alegado responsável pola irregular cobrança por estacionamento de veículos que tivo lugar domingo 6 de Fevereiro de 2010.

A denúncia amplia informaçom a umha outra apresentada a 10 de Fevereiro do mesmo ano.

Juan Carlos González Carrera poderia ser condenado polos delitos de prevaricaçom, malversaçom, ocultamento de informaçom, corrupçom, estafa e tráfico de influências.

Nom há constáncia polo de agora de nengum documento onde ficasse recolhida a actuaçom levada a cabo por pessoas que com coletes fosforescentes cobravam dous e três euros por estacionar no parque público da Rua Rosalia de Castro, no parque de estacionamento do supermercado Froiz, no parque público da Rua Amado Garra, além dos pátios do Colégio Fermim Bouça Vrei.

Como é possível que parques de estacionamento públicos sejam privados desse status no nosso Concelho e nom fique recolhido em nengum ponto desse acordo?

Além disto, a AMPA do Colégio Fermim Bouça Vrei permitiu o uso dos seus pátios sempre e quando este tivesse lugar sem fins lucrativos como consta por escrito.

A nova denúncia apresentada solicita:

Que a denúncia apresentada no seu dia seja estendida ao actual contributo de informaçom, ou que esta informaçom seja tomada como acréscimo àquela, ou bem como umha nova denúncia se nom houver lugar às anteriores possibilidades.

Que Juan Carlos González carrera seja investigado pola sua alegada responsabilidade no presente caso como possível responsável polos delitos de prevaricaçom, malversaçom, ocultamento de informaçom, corrupçom, estafa e tráfico de influências.

Que sejam solicitados os acordos pertinentes da Cámara Municipal de Ponte Areias nos quais se recolha a decisom de cobrar por estacionar nos lugares dos que polo menos temos constáncia: Colégio CEIP Fermim Bouça Vrei, parque público da Rua Rosalia de Castro e também no parque de estacionamento do supermercado Froiz, parque público da Rua Amado Garra. Se nom existir, que obre em conseqüência perante os possíveis delitos cometidos.

Que se investigue o total arrecadado e o destino desse dinheiro.

Que sejam levadas a cabo todas as acçons penais a que houver lugar em direito contra os responsáveis polos possíveis delitos cometidos.

De Ponte Areias de Esquerda solicitamos à Cámara Municipal de Ponte Areias o esclarecimento dos factos denunciados.

A candidatura vicinal Ponte Areias de Esquerda compromete-se a fazer públicas todas as irregularidades existentes no Concelho de Ponte Areias nas últimas décadas e erradicar do seu interior todas essas práticas.

Além de ilegais, som práticas fruto da política entendida como couto privado dos interesses duns poucos.

Ponte Areias de Esquerda abrirá a Cámara Municipal a participaçom da maioria social e garantiremos que as suas decisons sejam levadas a cabo.

Descarregar: PDF | 1,7MB

Ponte Areias de Esquerda, 24 horas a tua disposiçom

2011-02-12T15:21:00.000+01:00

Ponte Areias de Esquerda pôm desde já a disposiçom do conjunto da populaçom de Ponte Areias o telefone do seu candidato à alcaldia, Abraám Alonso Pinheiro, as 24 horas do dia para qualquer dúvida, sugestom, crítica ou consulta.

633 410 401

Quem assim o desejar pode contar com a nossa resposta em qualquer momento e a qualquer hora do dia.

Assim mesmo todo vizinho ou vizinha do Concelho de Ponte Areias que o considere pode solicitar nesse telefone ou na conta de correio ponteareiasdeesquerda@gmail.com um encontro pessoalizado ao qual assisteremos na maior brevidade de tempo possível, no lugar que o interessado ou interessada proponha, para expôr o nosso projecto, recolher propostas e críticas, assim como para respostar a qualquer dúvida a respeito da nossa alternativa.

Ponte Areias de Esquerda é umha candidatura que nasce no seio da classe trabalhadora.

Trabalhamos e trabalharemos desde o seu interior, desde o campo popular para a defesa dos seus específicos e diferenciados interesses dentro da sociedade de Ponte Areias.

Desde já Ponte Areias de Esquerda está a tua disposiçom as 24 horas.

Ponte Areias de Esquerda perante o culebrom municipal

2011-02-04T16:16:00.006+01:00

Há alternativa à crise municipal de governo e oposiçom

A rutura do governo municipal de Ponte Areias a pouco mais de três meses das eleiçons municipais de 22 maio é preocupante.

O Concelho aprofunda assim na deriva e desgoverno que tem caraterizado umha legislatura perdida, onde os interesses particulares de construtores, empresários e burguesia local prevalecérom por cima da vizinhança.

Um "matrimónio de conveniència" entre a direita (PP) e os restos da extrema-direita vinculada ao clam Castro (UCPA, agora reconvertida em ACP) finalizou como tinhamos prognósticado em 2007: em rutura.

Nos últimos dias consumou-se publicamente o que era umha realidade a vozes: Solha cessa Carrera de responsabilidades no governo, assim como aos seus concelheir@s afins.

Ponte Areias de Esquerda quer soma-se à natural preocupaçom que a imensa maioria d@s habitantes do Concelho manifesta perante a ingovernabilidade do Concelho polo irresponsável duelo entre dous modelos similares. Solha e Carrera aparentam defender projetos diferentes mas tam só representam os interesses particulares das diversas empresas para empregar a instituiçom municipal como umha ferramenta para os seus negócios.

PP e ACP estám cenificando quatro anos perdidos para resolver os principais problemas que padecemos a maioria social de Ponte Areias.

Solha e Carrera som responsáveis de dedicar os últimos sete anos a nom fomentar emprego, a nom aprovar um PGOM ao serviço da vizinhança, a nom construir umha depuradora, a nom dotar ao Concelho de serviços sociais, a nom construir um parque municipal, nem umha Casa da Cultura, nem umha Casa da Juventude, a nom fomentar o desporto, a nom potenciar a economia local, a nom reabilitar a zona histórica, a nom sanear e recuperar o rio Tea, a nom dotar de serviços às paróquias.

Som 7 anos de incapacidade permanente para satisfazer as demandas populares.

Ponte Areias nom merece estes governantes. Tampouco umha oposiçom paralisada polas luitas internas que impossibilitárom um seguimento, controlo e fiscalizaçom do governo do PP-UCPA.

É hora de apostar por caras novas, por gente honrada, por pessoas que como tu que só querem o melhor para Ponte Areias, que acreditam que o futuro do nosso Concelho só se pode construir desde a esquerda.

Folha Informativa Nº 2: Descarregar (PDF | 1,51MB)

Por um ensino público de qualidade para Ponte Areas

2011-02-02T22:08:00.004+01:00

Nom à massificaçom dos centros de ensino infantil e primária

De Ponte Areas de Esquerda manifestamos todo o nosso apoio e compromisso com as reivindicaçons da AMPA do CEIP Bouça Brei por um novo centro de educaçom infantil e primária, e polas urgentes e necessárias melhoras nos actuais.

Apelamos à mobilizaçom permanente para atingirmos os objetivos marcados. Até que esteja assinado o compromisso de construçom do novo centro nom devemos cessar com as mobilizaçons.

Luís Pardo, o dirigente vicinal de Sam Vicente e Canedo demonstrou qual é o caminho.

Todos os avanços logrados nos últimos anos evitando um maior deterioramento do ensino no nosso Concelho som exclusivamente fruto da mobilizaçom popular.

Ponte Areas de Esquerda manifesta o nosso firme respaldo às reivindicaçons da AMPA. Nom cessaremos de trabalhar desde o movimento popular, assim como desde a instituiçom municipal, para dotar a Ponte Areas do ensino público e de qualidade que demanda e merece.

Como candidatura vicinal de esquerda estamos ao serviço das maes e pais do CEIP Bouça Brei.

Ánimo e força!

Folha Manifestaçom: Descarregar (PDF | 1,35MB)

Três candidaturas de esquerda soberanista participarám no Sul da Galiza nas municipais de Maio

2011-01-19T11:47:00.009+01:00

Hoje, 19 de janeiro de 2011, fôrom publicamente apresentadas três candidaturas de esquerda anticapitalista e soberanista do Sul da Galiza.

Numha conferência de imprensa realizada na Biblioteca Municipal de Ponte Areias Abraám Alonso, David Pichel e Lara Soto dérom a conhecer os objectivos e orientaçons de Ponte Areias, Porrinho e Salvaterra de Esquerda.

O acto foi apresentado por Ana Amoedo, -integrante de Ponte Areias de Esquerda, Presidenta pola CIG do Comité de Empresa de Mascato e membro da Executiva Local de Porrinho da central sindical-, quem após agradecer a presença dos meios de comunicaçom deu a conhecer os eixos ideológicos das candidaturas e as biografias de Abraám, David e Lara.

Ana Amoedo enfatizou que “sem nengum lugar a dúvidas somos as únicas candidaturas de esquerda real e genuína que se apresentam nos Concelhos de Ponte Areias, Porrinho e Salvaterra de Minho”.

A sindicalista afirmou que a “confluência nas luitas das pessoas que hoje aqui estamos; a coincidência nas reivindicaçons, a similitude nas focagens, o comum denominador na intervençom, na participaçom em mobilizaçons sociais nas que levamos anos intervindo em defesa dos interesses populares, das mulheres, da classe trabalhadora, da naçom galega, da nossa língua e cultura, das demandas vicinais... deu lugar após reunions específicas, à constituiçom de Porrinho de Esquerda e Salvaterra de Esquerda seguindo a experiência iniciada em 2007 por Ponte Areias de Esquerda”.

Antes de ceder a palavra aos candidat@s, Ana Amoedo manifestou o “apoio à greve geral nacional do vindouro 27 de janeiro”.

Abraám Alonso Pinheiro afirmou que “nom nascemos como um lobby de interesses empresariais, vinculados a algumha das máfias da construçom e da especulaçom imobiliária. Nom estamos apadrinhados por nengumha empresa, grupo comercial ou fracçom dos poderes fácticos locais”.

Destacou que “tampouco somos um grupo de oportunistas que decidem provar fortuna nas eleiçons municipais para enriquecer-nos com as arcas públicas com a cobertura de promesas demagógicas e populistas”.

O candidato à alcaldia de Ponte Areias foi contundente ao destacar que embora “nom nascemos da nada, nom somos umhas e uns recem chegados à luita popular”. “Somos simplesmente um conjunto de mulheres e homens do povo trabalhador com umha trajetória pública e constatável na defesa dos interesses da nossa classe e da nossa naçom que levamos tempo intervindo social e politicamente nos nossos concelhos”.

Abraám Alonso, -quem já encabeçara em 2007 a candidatura de Ponte Areias de Esquerda-, incidiu em que estas três candidaturas estám conformadas por “mulheres e homens com um insubornável e constatável compromisso com as reivindicaçons da nossa classe e da nossa Pátria”.

“Estamos comprometidos e comprometidas a seguirmos entregando o nosso tempo, a nossa inteligência e o nosso talento, com altruismo, para fazer dos concelhos umha atalaia em defesa da qualidade e condiçons de vida da vizinhança de Ponte Areias, Porrinho e Salvaterra de Minho”.

Candidaturas diversas mas similares

Antes de ceder a palavra a David Pichel o candidato ponteareano definiu estas candidaturas como “três realidades diversas mas também similares. Nom só polo ámbito geográfico: Sul da Galiza, basicamente porque temos umhas coordendas político-ideológicas sintetizadas num projecto de esquerda anticapitalista, comprometido com a libertaçom e construçom da Naçom galega, e com a defesa dos interesses específicos das mulheres”.

Mas fundamentalmente porque somos três candidaturas vicinais conformadas por gente do comum, por trabalhadoras e trabalhadores, com contratos precários e eventuais, por pessoas que vivemos nas nossas carnes o desemprego, que sofremos os mesmos dramas quotidianos da imensa maioria do nosso povo para chegar a fim de mês.

O único que nos diferença é que temos a firme determinaçom de nom sermos espectadores alheios e que nom nos resignamos a continuar sermos carne de canhom do grande Capital. Nom só queremos luitar por defender os nosso direitos, queremos transformar a realidade. Sabemos que somos nós quem temos que fazé-lo, sem delegar nem deixar-nos tutelar”.

De seguido tomou a palavra o candidato de Porrinho de Esquerda, o sindicalista da CUT David Pichel quem com o seu peculiar sorriso e alegria manifestou que “queremos ilusionar a nossa vicinhança em que nom só é possível, é necessário ocuparmos o ámbito da política local, deslocando-a dos profissionais estreitamente vinculados com os poderes económicos responsáveis do desemprego, dos baixos salários, do deterioramente da educaçom e da sanidade, da falta de vivenda asequível, de equipamentos e zonas recreativas, de serviços básicos de qualidade, de serviços sociais, da destruiçom do meio-ambiente, de ausência de políticas dirigidas a juventude, à integraçom da imigraçom e sectores excluidos”.

Pichel foi muito claro à hora de denunciar as nefastas práticas que caracterizam a política municipal. “Há que combater com contundência a corrupçom municipal. Há que desterrar décadas de “pelotaços”, do saqueio dos orçamentos públicos. Nom daremos trégua à corrupçom e toda forma de ilegalidades”.

Incidiu na necessidade de contar com “umha esquerda com representaçom municipal sem hipotecas nem ataduras dos especuladores e caciques” pois “o Concelho está para solucionar os problemas da vizinhança, para melhorar as condiçons de vida e gerir com transparência os recursos económicos. Nom pode ser umha finca privada da que administradores corruptos saquem suculentos benefícios favorecendo os negócios dos amigos”.

“Chegou o momento de que alguém ponha ponto e final a política municipal como negócio; e esse alguém somos nós”.

Frente ao continuismo e idênticas caras necessitamos ideias novas e ar fresco

Lara Soto colheu a palavra dando a conhecer as principais prioridades das candidaturas.

Foi neste momento quando desvelou o significado dos números que por cima da mesa acompanhavam aos/à cabeça de lista.

A candidata de Salvaterra afirmou que a “principal prioridade nas tarefas de governo, a nossa principal preocupaçom som esses mais de 2.663 desempregados e desempregadas de dezembro em Ponte Areas, 2.129 em Porrinho e 957 de Salvaterra que as estatísticas oficiais reconhecem”.

Lara destacou umha realidade sobradamente conhecida, mas alheia aos partidos sistémicos e tradicionais. “Boa parte das companheiras e companheiros que conformarám as presentes candidaturas estám também nessa situaçom. Sabemos de primeira mao o que é a actual crise capitalista porque nós também a padecemos. Outros “falam de”, mas sem imaginar tam sequer o que é essa situaçom. A instituiçom municipal sim tem capacidade para contribuir a paliar a situaçom desesperada destes milhares de pessoas”.

Lara incidiu na importáncia de promover políticas reais a prol de corrigir os históricos défices em direitos e liberdades que padecem as mulheres, lembrando que “somos a maioria social em termos quantitativos, mas contrariamente à propaganda oficial seguimos marginalizadas e oprimidas polo patriarcado e as lógicas imperantes de umha política sistémica claramente machista, feita por homens e para homens”.

A candidata de Salvaterra de Esquerda manifestou que “nascemos perante a necessidade imperiosa de pôr as instituiçons municipais ao serviço da maioria social de cada um destes três Concelhos: a classe trabalhadora, mas com umha clara vocaçom e preocupaçom em quebrar as visíveis e invisíveis cadeias que impossibilitam que as mulheres logremos ter idênticas oportunidades que os homens”.

Objectivos, composiçom e prioridades concretas das candidaturas

@s candidat@s avançárom algumhas das principais ideias forças e objecticos das três candidaturas da esquerda anticapitalista e soberanista do Sul da Galiza.

PONTE AREIAS

Abraám Alonso afirmou que Ponte Areias de Esquerda apresentará novamente umha candidatura formada exclusivamente por trabalhadoras e trabalhadores e completamente diferente ao resto.

“Quatro anos depois voltamos estar aqui, apresentando mais umha vez umha alternativa real e sólida. Somos a única alternativa às similares receitas, -salvo diferenças de matiz-, que aplicarám PP, PSOE, UCPA-ACIP, BNG ou IU”.

Respeito ao balanço da última legislatura destacou que “o divórcio PP-UCPA com a exclusom de Pepe Castro demonstrou nom ser mais que umha operaçom de lavado de cara do PP. A dia de hoje PP-UCPA mantenhem um frutífero matrimónio de conveniéncia, nom exento de turbulências, no qual os interesses da maioria social de Ponte Areias som o de menos. Empresários e amigos, assim como familiares de PP e UCPA som os únicos beneficiários das suas nefastas políticas”.

Abraám denunciou os estreitos vínculos entre o Concelho e as empresas do tijolo. “O que é Ponte Areias no plano urbanístico, este caos arquitetónico, é fruto dessa impunidade para uns poucos que nós queremos nom corrigir ou reduzir, simplesmente erradicar”.

Respeito a anunciada candidatura vinculada ao clam Castro afirmou que “nasce para defender os interesses desses que se enriquecérom fazendo de Ponte Areias o exemplo do que nom deve ser o crescimento urbanístico de umha vila”.

Sobre o PSOE e o BNG manifestou que som duas forças que se disputam um similar espaço eleitoral. “Progressia de galeria na qual a principal diferença radica no “cada vez menor nacionalismo galego” do BNG fronte ao “cada vez maior nacionalismo espanhol” do PSOE, mas aplicando exactamente semelhantes políticas neoliberais brandas. O seu breve passo pola Cámara Municipal demonstrou as suas limitaçons para fazer realizar trasnformaçons reais mais alá da mera propaganda”.

PORRINHO

David Pichel voltou a tomar a palavra para traçar os principais objectivos de Porrinho de Esquerda (PODES) a quem definiu como “uniom das trabalhadoras e trabalhadores perjudicados polas políticas caciquis e capitalistas dos partidos convencionais” em clara alusiom ao PP, PSOE, BNG e as outras fracçons da burguesia local como CXP ou IP.

O candidato de PODES foi mui crítico com o actual governo municipal fazendo fincapé na urgente necessidade de aproveitar as eleiçons de Maio para deslocar as fracçons mais reaccionárias da direita local do poder municipal.

“Decidimos que já é hora de mudar a realidade actual, onde o governo de Nelson e da extrema-direita local está convertendo o Concelho na sua finca privada de onde sacar lucro, usando esse poder para perseguir todos aqueles movimentos sociais que nom som do seu agrado”, em clara referência à Plataforma de Parad@s.

Perante esta situaçom “decidimos que chegou a hora do câmbio, da democracia, da entrada de ar fresco e caras diferentes, de um novo estilo e forma de agir seguindo o que umha boa parte das vizinhas e vizinhos de Porrinho desejam”.

Pichel incidiu em “que nós consideramos a política como umha ferramenta do povo trabalhador, cum fim social, e nom como um método de acumulaçom de riqueza”.

Lembrou que a@s mais de 2.129 desempregad@s actualmente registrados em Porrinho o governo actual non lhes empresta a mais mínima atençom. “A alcaldia carece de um plano de medidas reais para paliar e frear o desemprego porque nom lhe importa o mais mínimo”.

Avançou na necessidade de criar umha Empresa Municipal de Construçom e Solo, centrada na reabilitaçom das casas abandonadas e deterioradas para posteriormente incorporá-las ao parque de vivenda municipal de aluguer. “É necessário entregar ao povo centos de casas valeiras submetidas a lógica depredadora das imobiliarias que seguem especulando com um direito fundamental como é a vivenda”.

Finalmente adiantou outra das inicaitivas que PODES implementará para apoiar as dificuldades económicas dos sectores sociais mais necessitados. “A criaçom de um Economato Municipal, para que as famílias com mais necessidades contem com um lugar onde cubrir as suas necessidades alimentares”.

SALVATERRA DE MINHO

Lara Soto considera que a candidatura que encabeça marca um antes e um depois em Salvaterra, onde a política municipal leva três décadas monopolizada polo mesmo alcaide. “A participaçom de Salvaterra de Esquerda nas eleiçons de 22 de maio é em si mesma umha revoluçom para a nossa terra”.

Denunciou que Arturo Grandal converteu a Cámara Municipal “num bunquer que contrariamente ao que se pensa é muito mais vulnerável do que ele e o PP consideram”.

Que nom passa de umha mera superstiçom considerar a presença de Arturo Grandal como perpétua. Que continua polas “evidentes responsabilidades de umha oposiçom municipal que nom age como tal” definindo a actuaçom do BNG e PSOE como “morna, inconstante e improvisada”.

A candidata de Salvaterra de Esquerda afirmou que vam ser a grande relevaçom em maio e que é “necessário nom só deslocar ao PP senom um governo realmente de esquerda com um programa de esquerda e umhas políticas de esquerda que solucionem os problemas da gente, melhore as suas condiçons de vida, e nom se dedique a criar redes clientelares com os recursos públicos com o único objectivo de perpetuar-se no poder”.

Lara Soto apostou pola instalaçom da “PLISAN com direitos laborais e respeituosa com a natureza”, mas também considera que o futuro de um Concelho “nom pode depender exclusivamente de umha só carta”.

Finalmente Lara Soto adiantou algumhas das principais prioridades de Salvaterra de Esquerda começando pola criaçom de emprego estável e com direitos laborais.

Defendeu a necessiade de criar um Infantário Municipal e reabilitar o colégio público.

Também anunciou que entre as prioridades de Salvaterra de Esquerda está construir umha Biblioteca Municipal e melhorar as instalaçons desportivas com a construçom de um novo pavilhom municipal de desportos.

Antes de dar por concluida a sua intervençom Lara apostou por constituir umha Empresa Municipal de Transporte público que comunique as paróquias e Salvaterra com a comarca, e um plano de investimento integral para melhorar as estradas secundárias.

ACIDENTE LABORAL = TERRORISMO PATRONAL. MAIS UM TRABALHADOR MORTO

2007-06-23T00:57:00.000+02:00

Na tarde de 20 de Junho morria no seu posto de trabalho Manuel Vilas Sam Joam, de 48 anos, empregado na empresa GRANITOS MONDARIZ, ubicada na paróquia de Prado.

De Ponte Areas de Esquerda queremos antes de mais nada exprimir as nossas condolências a todos os seres queridos de Manuel Vilas nestes difíceis momentos.

Porém nom podemos deixar de reflectir sobre as causas desta nova vítima no trabalho. Os empresários mancham umha e outra vez as suas maos com o sangue da classe trabalhadora únicamente para atingir o principal objetivo: acumular o maior benefício possível com o mínimo custo. Isto é o que provoca a situaçom actual que padece a imensa maioria da classe trabalhadora em Ponte Areas: incumprimento dos convénios, jornadas laborais extenuantes, ausência ou baixas medidas de segurança, contratos precários, carência de direitos sindicais...

De Ponte Areas de Esquerda mantemos a firme determinaçom de continuar com o caminho encetado com a nossa candidatura às eleiçons municipais de Maio, o da imprescindível auto-organizaçom da classe trabalhadora de Ponte Areas para ser nós quem imponhamos as nossas condiçons à patronal, e nom à inversa como sucede na actualidade.

As forças políticas com representaçom municipal som cúmplices da nossa situaçom, nom há interesse real em plantar cara aos empresários.

A morte de Manuel Vilas é mais umha razom, mais um motivo para continuar a luitar, a denunciar e a fazer fronte à exploraçom capitalista.

Ponte Areas de Esquerda valoriza resultados eleitorais

2007-05-30T16:59:00.000+02:00

BNG: 3584; PP: 3319; UCPA: 2898; PSOE: 2353; IU: 197; PDEE: 159

Os resultados eleitorais de Ponte Areas de Esquerda som positivos por quanto constatam um incremento espectacular do voto da esquerda independentista na localidade.
Os 159 votos, (1.26%), de Ponte Areas de Esquerda suponhem a multiplicaçom por sete dos resultados atingidos por NÓS-UP nas europeias de Junho de 2004 e nas autonómicas de Junho de 2005.
Embora ainda estamos muito longe do mínimo respaldo eleitoral necessário para lograrmos representaçom institucional o apoio recebido 27 de Maio é umha modesta, mas esperançadora e clara mensagem de apoio ao trabalho realizado pola esquerda soberanista nestes dous últimos anos.

Ponte Areas de Esquerda quer agradecer publicamente a coragem e firmeza das 159 pessoas que apostárom pola nossa opçom conscientes das imensas dificuldades de atingir o número necessário de votos para poder ter representaçom municipal.
A todas elas manifestamos que o projecto sócio-político que estamos construindo vai continuar, e que vamos seguir defendendo desde fora do Concelho, tal como até agora vimos fazendo, o melhor para os interesses da classe trabalhadora de Ponte Areas.

Finalmente apelamos aos sectores soberanistas e de esquerda da localidade a converger connosco no desenvolvimento desta alternativa plural e integradora que Ponte Areas de Esquerda representa.

Ponte Areas, 29 de Maio de 2007

Video Eleitoral de Ponte Areas de Esquerda

2007-05-16T17:17:00.000+02:00

Crónica início de campanha

2007-05-16T16:54:00.000+02:00

No início do dia 11 de Maio, membros de Ponte Areas de Esquerda e simpatizantes começavam a campanha eleitoral na Praça Maior com a habitual colagem de cartazes e acompanhados de meios de comunicaçom locais e pola carrinha habilitada para desenvolver todas as actividades de propaganda previstas. Abraám Alonso destacou a intensa pré-campanha levada a cabo que "só podemos avaliar muito positivamente. Hoje entramos nos últimos dias de esforço e sacrifício. Mas para desenvolver com sucesso esta recta final, antes devemos ter claro e dizer bem alto o que somos. Somos classe trabalhadora organizada na defesa dos interesses da maioria social. Na defesa dos interesses de quem mais dá à sociedade e menos obtém dela. Somos a semente da mudança que a maioria leva anos aguardando e nunca chega. As forças que actualmente contam com representaçom municipal nom podem mudar a realidade porque acatam umhas regras de jogo impostas das quais se beneficiam. Regras de jogo que beneficiam umha minoria em detrimento da imensa maioria prejudicada.

Temos umhas características das quais carecem as restantes forças que se apresentam:

- Sabemos que somos a única candidatura formadaintegralmente por trabalhadoras e trabalhadores

- Sabemos que somos a única com igual número de mulheres que de homens

- Sabemos que somos a única candidatura com importante representaçom da comunidade imigrante

- Sabemos que somos a única candidatura que dará voz e voto às vizinhas e vizinhos de Ponte Areas

- Sabemos, em definitiva, que somos incorruptíveis vizinhas e vizinhos com a firme determinaçom de que a classe trabalhadora conte de umha vez por todas com representaçom própria.

Nem PSOE nem BNG tenhem estas características fundamentais, nem muito menos PP nem UCPA. Devemos fazer gala do que somos e pelejar cada voto.

Companheiras e companheiros, muito ánimo e vamos polos 600!!!

Viva a classe trabalhadora!!

Viva Ponte Areas de Esquerda!!"

Entrevista a Abraám Alonso, candidato à Presidência da Cámara

2007-05-15T12:38:00.000+02:00

Abraám Alonso, candidato à Presidência da Cámara, por Ponte Areas de Esquerda
“Ponte Areas necessita e merece algo melhor. Nós contamos com esse projecto de futuro que a imensa maioria deseja”

Porque se apresenta Ponte Areas de Esquerda às eleiçons municipais?

Porque é necessário introduzir novos ares no Concelho para solucionar os problemas, democratizar a instituiçom e aplicar umha nova política. A nossa entrada no Concelho, unicamente a nossa entrada no Concelho garantirá um governo de esquerda que aplique um programa verdadeiramente de esquerda. A curta experiência do bipartido local e também a experiência da actual Junta da Galiza manifesta o frustrante continuísmo do PSOE-BNG em relaçom à etapa do PP. Sem a presença de Ponte Areas de Esquerda no Concelho, é impossível introduzir mudanças reais.
Nesta ocasiom @s vizinh@s tenhem a oportunidade de votarem umha candidatura que nom vai defraudar. Nós, ao contrário deles, fazemos o que dizemos e dizemos o que fazemos.

Como é a candidatura de Ponte Areas de Esquerda?
Somos umha candidatura qualitativamente diferente ao resto. Seremos intransigentes na hora de defender os interesses da classe trabalhadora e nom vamos dar trégua à corrupçom e desgoverno generalizado que caracteriza a política institucional. É configurada unicamente por trabalhadoras e trabalhadores, por gente jovem, por pessoas honradas, por gente do povo. Contamos com a única lista paritária, e somos alheios à política espectáculo da banalidade e a corrupçom. A única razom que nos move a apresentar-nos é defendermos os interesses da maioria social. A nossa integridade está garantida, nom temos nengumha relaçom, nengum vínculo de dependência com construtores, imobiliárias, grupos empresariais. Somos umha candidatura vicinal insubornável, com capacidade e ilusom, sem ataduras, mas com ideias e vontade de deixarmos a pele. Somos umha candidatura genuinamente operária que nasce porque Ponte Areas necessita e merece algo melhor. Nós contamos com esse projecto de futuro que a imensa maioria deseja.
Ponte Areas de Esquerda recolhe a nova Ponte Areas, a da gente que nascemos e vivemos aqui, mas também a gente imigrante, @s nov@s pontearean@s que vinhérom trabalhar connosco, tal como figérom centenas de vizinh@s que emigrárom à Latino-America e à Europa. Conjuntamente temos que construir a nova Ponte Areas do século XXI.

BNG-PSOE nom aplicam políticas de esquerda?
Nestes quatro anos de permanente instabilidade municipal, pudemos comprovar que o grau de coincidência entre UCPA-PP-BNG-PSOE é mui elevado. As diferenças entre estes quatro partidos som imensamente menores do que aparentam. Nava, Solha, Mera e Candeira carecem de vontade real para frearem a especulaçom urbanística, para solucionarem os problemas reais da gente. Existe um consenso na hora de aplicarem políticas neoliberais que privatizam serviços como a recolha do lixo, cujo resultado é a sua deterioraçom, o incremento das tarifas e a piora das condiçons laborais d@s trabalhadoras/es.
É necessário pressionarmos o BNG-PSOE, mediante a mobilizaçom social, mas também logrando representaçom municipal que os obrigue a aplicarem um programa de esquerda que democratize o Concelho, gere emprego, atenda às demandas da juventude e da imigraçom, solvente o caos e a especulaçom urbanística, nom discrimine as paróquias, faga da vila de Ponte Areas um sítio mais confortável e humano.
Ponte Areas de Esquerda exprime as profundas mudanças que reclama um amplo sector da classe trabalhadora.
Umha das primeiras medidas que adoptaremos como elemento chave do novo Concelho emanado das eleiçons de 27 de Maio é rebaixar os escandalosos salários dos políticos. A política está para servir ao povo nom para se lucrar dele.

A coincidência de Mera e Nava nas obras da praça maior, a que responde?
BNG e UCPA nom descartam acordos permanentes no Concelho para defenderem interesses alheios ao povo de Ponte Areas. Os quatro partidos institucionais som mais parecidos do que aparentam.
Só Ponte Areas de Esquerda tem a coragem suficiente para denunciar a desfeita urbanística e ambiental que padece Ponte Areas polos mais de trinta anos de governos de extrema-direita representados por Nava Castro, como continuadora do falangismo de Pepe Castro e das siglas que empregou para se perpetuar e enriquecer a conta do povo trabalhador. A nossa firme decisom de combater o fascismo ficou clara na hora de suprimirmos a simbologia franquista que inçava a vila. Ponte Areas de Esquerda recolhe o espírito da Plataforma que forçou mediante a pressom social a retirada do cabeçom.
Seremos inflexíveis com a corrupçom e com os lobbies de poder que governam na sombra.
Mera é um oportunista que emprega a política municipal para objectivos alheios aos interesses de Ponte Areas, Candeira é um pusilánime, Nava representa o passado e Solha carece de peso político.

Nestes meses de permanente actividade, com denúncias e propostas construtivas tendes tomado o pulso da gente?
Sem lugar a dúvida. A nível popular existe um claro convencimento da necessidade de que Ponte Areas de Esquerda entre no Concelho. A ilusom de muita gente é umha evidência difícil de ocultar, basicamente da juventude trabalhadora. O apoios que estamos a receber constatam que somos a candidatura revelaçom destas eleiçons. É palpável que vamos superar os 600 e tal votos necessários para estarmos no Concelho. Estou plenamente convencido que vamos contar com o apoio necessário.

Apresentaçom pública de Ponte Areas de Esquerda

2007-05-04T22:21:00.000+02:00

Única candidatura paritária formada íntegramente por trabalhadoras e trabalhadores

Apresentaçom pública de Ponte Areas de Esquerda

“Ponte Areas necessita e merece algo melhor. Nós contamos com esse projecto de futuro que a imensa maioria deseja”

Às 21h da sexta-feira 4 de Maio, diante da Cámara Municipal Abraám, Alonso apresentava públicamente a candidatura Ponte Areas de Esquerda, a única candidatura de todas as que se apresentam ao Concelho de Ponte Areas com igual número de mulheres e homens, e a única formada na sua totalidade por trabalhadoras e trabalhadores. “Quem dixérom que concurriam às eleiçons apresentando a primeira lista paritária na história de Ponte Areas simplesmente mentirom descaradamente”.

Ponte Areas de Esquerda representa na sua composiçom a nova Ponte Areas, a Ponte Areas operária, a Ponte Araes jovem, culturalmente rica e plural com vizinh@s de outros países convivindo com nós, a Ponte Areas das mulheres conscientes e defesoras dos seus direitos e de umha vida em igualdade.

Ponte Areas de Esquerda é a única candidatura capaz de defender os interesses da classe trabalhadora por cima de qualquer outros porque somos isso mesmo, classe trabalhadora. Ninguém defenderá melhor do que nós mesmos os nossos interesses.

Abraám Alonso recalcou que som um mínimo de 600 votos os que separam às trabalhadoras e trabalhadores de Ponte Areas de obter representaçom municipal. “A nível popular, existe um claro convencimento da necessidade de que Ponte Areas de Esquerda entre no Concelho” pois “Unicamente a nossa entrada no Concelho garantirá um governo de esquerda que aplique um programa verdadeiramente de esquerda”.

Abraám Alonso afirmou que “Somos a candidatura revelaçom destas eleiçons” e que “Sem a presença de Ponte Areas de Esquerda no Concelho, é impossível introduzir mudanças reais”. “Nesta ocasiom @s vizinh@s tenhem a oportunidade de votar em alguém que nom vai defraudar”.

Abraám Alonso deixou bem claro no acto de apresentaçom da candidatura que “Somos umha candidatura vicinal insubornável, com capacidade e ilusom, sem ataduras, mas com ideias e vontade de deixarmos a pele”.

Denunciou a política espectáculo, da banalidade e as falsas promesas insistindo que “O grau de coincidência entre UCPA-PP-BNG-PSOE é muito elevado” pois “Nava, Solha, Mera e Candeira carecem de vontade real para frearem a especulaçom urbanística e aplicam políticas neoliberais contrárias aos interesses da maioria social”.

Com respeito ao resto de candidatos afirmou que “Mera é um oportunista que emprega a política municipal para objectivos alheios aos interesses de Ponte Areas, Candeira um pusilánime, Nava representa o passado, e Solha carece de peso político”.

Foi muito duro com a corrupçom e o enriquecimento pessoal da casta política afirmando que “Seremos inflexíveis com a corrupçom e com os lobbies de poder que governam na sombra”. “Umha das primeiras medidas que adoptaremos como elemento chave do novo Concelho emanado das eleiçons de 27 de Maio é rebaixar os escandalosos salários dos políticos”.

Finalmente, antes de apresentar cada umha d@s candidat@s de Ponte Areas de Esquerda insistiu que é “necessário pressionarmos o BNG-PSOE mediante a mobilizaçom social mas também logrando representaçom municipal que os obrigue a aplicarem um programa de esquerda que democratize o Concelho, gere emprego, atenda as demandas da juventude e da imigraçom, solvente o caos e a especulaçom urbanística, nom discrimine as paróquias faga da de Ponte Areas um sítio mais confortável e humano”.

CRÓNICA 1º DE MAIO

2007-05-03T12:49:00.000+02:00

Ponte Areas e Vigo de Esquerda presentes no 1º de Maio

As candidaturas Ponte Areas e Vigo de Esquerda participárom conjuntamente na manifestaçom da CIG no 1º de Maio em Vigo com umha faixa sob a legenda "Aos de sempre nunca mais. Som todos iguais".

Vários centos de trabalhadoras e trabalhadores, e de jovens secundárom o numeroso e combativo bloco da esquerda soberanista e anticapitalista que percorreu as principais artérias do centro de Vigo, desde o bairro do Calvário até a Porta do Sol.

A denuncia da precariedade laboral, do desemprego, da repressom patronal, e a reivindicaçom do direito de autodeterminaçom e da independência da Galiza centrárom as demandas do cortejo de Ponte Areas e Vigo de Esquerda.

Ver video aqui

Manifesto distribuido aqui

1º Maio. Aos de sempre nunca mais. SOM TODOS IGUAIS

2007-05-01T00:20:00.000+02:00

É suicida que a classe trabalhadora galega siga emprestando o seu voto às mesmas forças políticas que eleiçom após eleiçom incumprem o seu programa eleitoral e aplicam medidas neoliberais e governam ao exclusivo serviço do Capital.

PSOE e PP som as duas faces da mesma moeda, a da Espanha que nega o direito de autodeterminaçom e a que desregularizou o mercado laboral, impondo o despedimento livre, a precariedade laboral e o desemprego estrutural.

O BNG nom fica atrás à hora de aplicar idênticas políticas anti-sociais do PSOE e do PP: privatizando serviços públicos, adoptando medidas do agrado do grande capital, apostando por um urbanismo esbanjador do meio ambiente onde o direito a umha vivenda digna converte-se num negócio lucrativo ao serviço exclusivo da especulaçom imobiliária.

As listas das três forças políticas institucionais som semelhantes no que à sua composiçom de classe se refere. Praticamente @s trabalhadores/as nom passamos de ser um mero elemento decorativo. Som as classes médias, a pequena-burguesia funcionarial e comercial, as profissons liberais as que copam as listas do PP, PSOE e BNG.

Afortunadamente nesta ocasiom a classe operária em Ponte Areas e Vigo, as mulheres e homens que vivimos do nosso salário, que queremos umha verdadeira mudança política, nom temos porque votar com a mao tapando o nariz em profissionais da política espectáculo que só aspiram a perpetuar os seus privilégios. Temos a possibilidade de apoiar nas vindouras eleiçons municipais de 27 de Maio a candidaturas genuinamente operárias que garantirám que os prováveis governos de “esquerda” apliquem umha política de esquerda ao serviço da maioria social.

As candidaturas soberanistas e de esquerda de Ponte Areas e Vigo nom defraudarám à juventude, às mulheres e o conjunto da classe operária que aposta por umha mudança real.

Viva a classe operária galega!!
Contra o Capital luita operária!!

Vigo, 1º de Maio de 2007

PdeE irrompe no Pleno de Municipal em apoio das trabalhadoras/es do serviço de limpeza

2007-04-25T00:59:00.000+02:00

Na tarde de terça-feira 24 de Abril membros de Ponte Areas de Esquerda irromperam no pleno municipal para denunciar a situaçom que padecem as trabalhadoras e trabalhadores do serviço de limpeza de Ponte Areas depois de que BNG, PSOE, PP e UCPA votáram a favor de que FCC seja quem gestione o serviço localidade. Nom chega a 560€ o salário da maior parte do quadro de pessoal.

Para mais informaçom ler também:

http://ponteareasdeesquerda.blogspot.com/2006_11_01_archive.html
http://ponteareasdeesquerda.blogspot.com/2007/04/ponte-areas-de-esquerda-tinha-razom.html

Podes descarregar o vídeo aquí

Razons da minha saída do BNG

2007-04-24T16:42:00.000+02:00

Som muito numerosas as razons que me obrigárom a abandonar o Bloque Nacionalista Galego e finalmente integrar-me e apoiar Ponte Areas de Esquerda. Numero a continuaçom as que considero de maior importáncia e aproveito para solicitar à base social nacionalista, a tod@s aquelas/es companheir@s que ainda nom acreditam na lamentável deriva do BNG, a que apoiem nas eleiçons de 27 de Maio Ponte Areas de Esquerda. Som algo mais de 600 votos os necessários para obtermos representaçom municipal. Demonstraremos que é possível desenvolver umha política soberanista e de esquerda, fomentando a participaçom popular nas decisons do governo e promovendo e respeitando assim a verdadeira democracia.

Razons do abandono:

Abandono do assemblearismo na tomada de decisons.
A deriva centrista e autonomista do BNG. Importa pouco já a situaçom da classe trabalhadora. A prioridade é a obtençom e a gestom neoliberal do poder.
Abandono das reivindicaçons históricas e exercício do direito de autodeterminaçom, sem as quais é materialmente impossível que os Concelhos da Galiza desenvolvam todo o seu potencial em favor das vizinhas e vizinhos.
Excessivo culto à personalidade ao "líder", fomentando o seguidismo e deteriorando assim o funcionamento democrático na tomada de decisons.
Hipocrisia e eleitoralismo. Reivindicar-se defensor da paridade e da igualdade entre mulheres e homens no BNG local nom tem nada a ver com a posiçom defendida por Mera na confecçom das listas do BNG à Junta da Galiza, na qual se opunha às listas paritárias. Mónica das Neves ficou fora das mesmas pola sua total oposiçom quando era proposta para que as mulheres tiveran mais peso na lista.
O pouco ou nengum compromisso que parte d@s representantes institucionais mantenhem com o idioma. Perante a crítica situaçom do idioma, quem se diga nacionalista deve dar exemplo na vida pública e privada.
Nom serem quem de fazer o que tantas vezes solicitamos a membros doutros partidos, a causa da sua incompetência ou por ver-se involucrados em irregularidades urbanísticas.

Asdo: Manuel Antonio Montero Giraldez "Tó"

Primeiros candidatos à Presidência da Cámara polo BNG apoiamos Ponte Areas de Esquerda

2007-04-23T00:36:00.000+02:00

Leopoldo Rei Durám, candidato polo BN-PG em 1979 e posteriormente em 1983 polo BNG, e Xosé Manuel González Alonso, candidato polo BNG em 1987 à Presidência da Cámara de Ponte Areas, apelamos ao conjunto da base social nacionalista a apoiar nas eleiçons municipais de 27 de Maio a candidatura Ponte Areas de Esquerda, por ser a dia de hoje continuidade e a que melhor representa o projecto sócio-político que encabeçamos nas três primeiras eleiçons municipais após o franquismo.

Pola autoridade que nos confere termos sido precursores e pioneiros do municipalismo da esquerda nacionalista neste concelho, por termos contribuído dando a cara para abrir caminho nos anos duros em que a família Castro e os seus interesses agiam com absoluta impunidade em Ponte Areas, achamos prioritário que a candidatura de Ponte Areas de Esquerda, encabeçada por Abraám Alonso, entre na Cámara municipal, para assim plasmar o nosso legado e a nossa luita contra o caciquismo e polos direitos da maioria social.

Ponte Areas, 21 de Abril de 2007

Ponte Areas de Esquerda tinha razom. A PRIVATIZAÇOM DO SERVIÇO DE RECOLHIDA DE LIXO EMPIOROU CONDIÇONS LABORAIS D@S TRABALHADORAS/ES

2007-04-19T01:13:00.000+02:00

Ponte Areas de Esquerda denunciou publicamente em Novembro de 2006 a privatizaçom do serviço de recolha de lixo levada adiante com os votos favoráveis de BNG, PSOE, PP e UCPA manifestando que

A privatizaçom da recolha terá como conseqüências para o conjunto da vizinhança a deterioraçom do serviço e o incremento das tarifas a curto-médio prazo.
Para os trabalhadores e as trabalhadoras do serviço, umha piora das condiçons laborais.

Ponte Areas de Esquerda denúncia a atitude do BNG e do PSOE que, incumprindo o programa eleitoral, aplicam idêntica política neoliberal que o PP.

A dia de hoje, há operári@s da limpeza que cobram, trabalhando 40 horas semanais, 540€. Os feriados, Sábados e Domingos trabalhados som pagos ao mesmo preço que a hora normal.

Esta é a política social que BNG e PSOE, que se dim de "esquerda", aplicam e aplicarám depois do 27 de Maio em Ponte Areas.

Ponte Areas de Esquerda fai um apelo à vizinhança a nom deixar-se enganar mais umha vez nas eleiçons municipais. Só a nossa candidatura, formada por trabalhadoras e trabalhadores como tu, defenderá até as últimas conseqüências os interesses da classe trabalhadora por cima de quaisquer outros.

A presença de Ponte Areas de Esquerda no Concelho é fundamental para sentar as bases de umha política feita polo povo trabalhador e ao serviço do povo trabalhador.

Ver também: http://ponteareasdeesquerda.blogspot.com/2006_11_01_archive.html

Mais um mural em Ponte Areas

2007-04-06T19:45:00.002+02:00

Membros de Ponte Areas de Esquerda realizabam ontem mais um mural num dos principais pontos de entrada e saída do Concelho de Ponte Areas.

Ponte Areas de Esquerda começa entrega de Programa de Desportos

2007-04-04T15:45:00.000+02:00

Ponte Areas de Esquerda está a fazer chegar a presidentes, membros de directivas e pessoas vinculadas ao desporto de base o Programa de Desportos de Ponte Areas de Esquerda. No documento recolhem-se os compromissos da candidatura nesta matéria, e é ao tempo a guia que marcará as nossa tarefas e reivindicaçons nesta campo na Cámara municipal.

Podes descarregalo aqui

Por um PGOM ao serviço da classe trabalhadora/POR UMHA VIVENDA DIGNA/ STOP ESPECULAÇOM URBANÍSTICA

2007-04-02T15:47:00.000+02:00

Na tarde de Sábado 31 de Março tinha lugar na Praça da Igreja de Ponte Areas um acampamento realizado por Ponte Areas de Esquerda para denunciar um dos problemas mais graves que padece hoje parte da populaçom, basicamente a juventude.

A impactante acçom consistente na instalaçom de tendas de campanha tinha como finalidade chamar a atençom e denunciar a gravíssima situaçom que padecem destacados segmentos da classe trabalhadora para acceder a umha vivenda digna.

Ponte Areas de Esquerda considera que a vivenda é um direito. É intolerável que para beneficiar-nos dele haja que passar toda a vida hipotecad@s, ameaçad@s polo embargo bancário.

Ponte Areas de Esquerda imporá um PGOM (Plano Geral de Ordenaçom Municipal) ao serviço d@s que menos temos. Evitaremos que o necessário PGOM de Ponte Areas esteja orientado e ao serviço das promotoras, construtoras, bancos e caixas.

Ponte Areas de Esquerda defenderá no Concelho contra vento e maré a construçom de vivenda pública a baixo custo. A maioria somos quem temos as rendas mais baixas e devemos ser esta maioria quem nos benificiemos do direito à vivenda.

Ponte Areas de Esquerda vem apresentando nos últimos meses algumhas propostas viáveis para que Ponte Areas conte com umha nova política urbanística ao serviço das pessoas e nom da especulaçom imobiliária. As propostas da Casa da Juventude e da Casa da Cultura na Finca dos Sarmento formam parte dessa nova política urbanística que nos comprometemos a impulsionar. Mais zonas verdes, mais vivenda pública e política urbanística no rural ao serviço d@s vizinh@s salvaguardando e recuperando a aquitetura tradicional popular galega.

Sem fazer promesas valeiras como PP, UCPA, BNG e PSOE, Ponte Areas de Esquerda compromete-se íntegramente a fazer valer desde o Concelho os interesses d@s que sempre fomos nengunead@s polos partidos e interesses de sempre.

Ponte Areas de Esquerda propom criaçom do Museu Galego da Bicicleta Irmaos Délio e Emílio Rodrigues

2007-03-27T18:42:00.000+02:00

Os irmaos Délio Rodrigues Barros e Emílio Rodrigues Barros forom os vencedores da "volta ciclista a Espanha" os anos 1945 e 1950 respectivamente

A importante tradiçom e afeiçom polo ciclismo no nosso Concelho ainda carece a dia de hoje de um reconhecimento institucional. Diversas geraçons de ponte-areáns levam, levamos praticando este desporto desde há décadas. As três “voltas a Espanha” ganhas por Délio Rodrigues (1945), Emílio Rodrigues (1950) e Álvaro Pino (1986) constatam a forte implantaçom do ciclismo entre a nossa comunidade.

Porém, a dia de hoje tem sido basicamente o esforço dos clubes que mantivérom com grande esforço as tradiçons deste desporto. Existe todo um património material (bicicletas, roupa e calçado desportivo, objectos diversos, fotografias, documentaçom, imprensa, etc) disperso em casas e faiados, muitas vezes sem o adequado estado de conservaçom, que cumpre restaurar, classificar e expor como parte da memória histórica de Ponte Areas.

Por este motivo, e para que as novas geraçons conheçam o nosso passado, Ponte Areas de Esquerda propom a criaçom do Museu Galego da Bicicleta Irmaos Délio e Emílio Rodrigues.

O museu terá carácter misto, mediante um acordo entre a Cámara Municipal e a Junta da Galiza, ficando aberta a possibilidade de que outros concelhos limítrofes também podam participar na sua criaçom, mas sempre com a condiçom de que estará localizado em Ponte Areas.

A proposta está enquadrada dentro do Programa de Desporto para Ponte Areas que a candidatura entregará aos diferentes clubes e associaçons de desporto, e que forma resumida apresentamos:

Por umhas infraestruturas desportivas adequadas às necessidades de Ponte Areas

Ponte Areas de Esquerda entende a actividade físico-desportiva como base de umha vida saudável, como elemento fundamental do desenvolvimento integral das pessoas que permite melhorar a qualidade de vida e a vertebraçom social imprescindível para construir umha verdadeira democracia.

Sem umhas instalaçons desportivas descentralizadas e de qualidade, nunca contaremos com um desporto de base amplo e participativo.

Ponte Areas de Esquerda compromete-se a apostar no desporto a partir de umha triple perspectiva: desporto de base, desporto de competiçom e desporto orientado à saúde e lazer.

Ponte Areas de Esquerda estabelece os seguintes eixos básicos de umha nova política desportiva, mediante a colaboraçom e responsabilizaçom dos diversos sectores implicados (clubes, centros de ensino, administraçons, empresas desportivas, comércio, hotelaria, meios de comunicaçom, ...) criando um Conselho Municipal de Desportos, pois a participaçom popular é um princípio básico:
1- Incrementar e descentralizar as instalaçons e qualidade das actividades. Construçom de um novo pavilhom desportivo ajeitado à populaçom de Ponte Areas para evitar que fique obsoleto em poucos anos. Em coordenaçom com o actual, poderemos desenvolver o futebol de salom, o basquetebol e a patinagem, mas sobretodo poderemos recuperar modalidades desaparecidas em Ponte Areas como o andebol e o hóquei, assim como a criaçom de novos espaços que permitam praticar boa parte dos desportos.
Construçom de instalaçons desportivas de forma racional nas paróquias com maior número de habitantes.
2- Promover actividades físico-desportivas para pessoas adultas e da terceira idade, e fomentar as actividades físico-desportivas adaptadas aos colectivos com descapacidades.
3- Apoio e atençom à prática desportiva fora do território municipal: rafting, escalada, barranquismo, canoagem, vela e programa branco de desportos (esqui e actividades de montanha) em colaboraçom com associaçons do sector e convénios com outras administaçons.
4- Criaçom de pistas de atletismo que permitam recuperar umha modalidade em declínio. Actualmente, @s atletas de Ponte Areas tenhem que deslocar-se ao Porrinho e Vigo para treinarem. Atrás fica a equipa de atletismo do SD Juvenil.
5- Construçom de um velódromo para praticar ciclismo em pista. Seria o primeiro velódromo com todas as condiçons mínimas de segurança da Galiza. Ponte Areas foi pioneira e segue a ser referente do ciclismo galego. Três “voltas a Espanha” fôrom para os ponte-areáns Délio Rodríguez (1945), Emílio Rodríguez (1950) e Álvaro Pino (1986).
6- Criaçom do museu municipal da bicicleta que recupere a história, estude e divulgue a tradiçom ciclista de Ponte Areas.
7- Promocionar o desporto escolar e cobrir as instalaçons desportivas de todos os centros de ensino públicos, pois actualmente só cumpre este requisito básico o colégio Ramiro Sabell nº 3. Esta medida fomentará a prática de qualquer desporto entre crianças sem estar determinada polas inclemências metereológicas.
8- Horários ajeitados que possibiltem e fomentem a utilizaçom das instalaçons desportivas por parte da populaçom feminina mediante cooperaçom com as associaçons vicinais e de mulheres.
9- Melhorar a formaçom técnico-científica d@s educadores/as, e animadores/as físico-desportiv@s.
10- Fomentar a solidariedade e cooperaçom no contexto territorial mediante acordos com instalaçons desportivas de concelhos limítrofes da comarca e à escala nacional.
11- Promover valores transversais associados à prática do desporto: respeito polo meio natural, pola igualdade de sexos, plena galeguizaçom, etc.
12- Promover a prática do desporto tradicional e jogos populares.
13- Gerar emprego público associado à prática desportiva mediante a criaçom dumha Escola Municipal de Desporto.
14- Criaçom de circuitos naturais com estaçons para o exercício desportivo de todas as idades na Picaranha, e nas beiras do Tea. Desenho e desenvolvimento dumha rede de roteiros cicloturísticos.

Ponte Areas de Esquerda compromete-se a que isto nom passe de ser promessas vazias, e mediante a nossa representaçom municipal, a partir de Maio, poremo-nos maos à obra para iniciar a sua execuçom chegando a acordos com a Conselharia de Desportos e Juventude, com a Deputaçom e concelhos da comarca, para procurarmos fundos e desbloquearmos o PGOM que permita licitar os terrenos necessários para acometer as obras.

Vitória sobre o fascismo da UCPA ABSOLUÇOM PARA @S SEIS VIZINH@S ACUSAD@S DE INJÚRAS A NAVA CASTRO

2007-03-21T00:37:00.000+01:00

O julgamento celebrado no dia 27 de Fevereiro de 2007 contra 6 antifascistas de Ponte Areas acusados de “delito eleitoral” e “injúrias” contra Nava Castro resolveu-se com a absoluçom de tod@s elas/es. Um falho do Tribunal nº 3 de Ponte Vedra considera que nom existiu nengum delito ou falta.

O suposto delito do qual ficárom definitivamente absolvid@s teria sido distribuir propaganda como membros da Plataforma cidadá pola retirada do monumento a Franco que identificava Nava com o ditador. A finalidade do cartaz era denunciar a responsabilidade de Nava Castro na permanência do monumento e nomenclatura das ruas que homenageavam o fascismo, contrariamente ao acordado polo pleno municipal.

Três d@s cinco vizinh@s sobre @s quais pesava petiçom de condena por parte da Procuradoria som membros de Ponte Areas de Esquerda, entre @s quais está o candidato à Presidência da Cámara Abraám Alonso.

Ponte Areas de Esquerda avalia esta decisom judiciária como umha contundente e rotunda vitória política de quem defendemos a democracia e a liberdade de expressom sobre quem fai apologia pública do fascismo. A absoluçom destes cinco vizinh@s é umha péssima notícia para Pepe Castro, Nava Castro e a UCPA, organizaçom herdeira do falangismo e das estruturas franquistas que dominárom o nosso Concelho após o golpe de estado de 1936 contra a legalidade republicana. É umha vitória sem paliativos dos valores que defende e representa Ponte Areas de Esquerda sobre os quais encarna a extrema-direita da UCPA.

O fascismo derrota-se fazendo-lhe frente. Esta é a liçom que se deve extrair da atitude d@s seis vizinh@s antifascistas de Ponte Areas.

De Ponte Areas de Esquerda solicitamos novamente à UCPA e à sua candidata que condene sem ambiguidades nem paliativos os 40 anos de ditadura franquista para assim demonstrar que é umha força política democrática.

Ponte Areas de Esquerda manifesta após esta vitória que continuamos com a luita contra o que a UCPA continua a representar, contra a política clientelar e caciquil, contra a corrupçom e o desvio de fundos, contra o negócio e favores aos seus amigos e familiares a costa da maioria da populaçom, contra um projecto político autoritário e ultra-conservador.

O 27 de Maio é necessário consolidarmos este golpe à impunidade de Pepe e Nava Castro logrando que a esquerda sem complexos, a esquerda que nem se compra nem se vende entre no nosso Concelho.

Ponte Areas carece de saneamento ajeitado ao século XXI

2007-03-19T23:57:00.000+01:00

A inauguraçom da depuradora da Moscadeira nom solventou o despejo de águas fecais ao Tea. As promessas de saneamento do nosso rio nom passárom de ser um sonho irreal.
Poucos anos depois da inauguraçom dumha obra daquelas, já claramente insuficiente para as necessidades da populaçom, Ponte Areas de Esquerda vê-se na obrigaçom de denunciar que as instalaçons ficárom obsoletas e som ineficazes para evitar a destruiçom do meio natural e garantir a saúde pública.

-No núcleo urbano somos quase 9.000 habitantes que temos o costume de usar máquinas de lavar, utilizar água ao fazer as nossas necessidades, etc, mas a actual depuradora só tem capacidade para metade dessa populaçom.
-Só é agora, em 2007, quando se estám a acometer as obras imprescindíveis para separar as águas fecais das pluviais, as que em dias de chuva fam desbordar a depuradora.
-Às águas fecais há que acrescentar as bombas de achique de vários edificios construídos sobre águas subterráneas, contribuindo para o desbordamento da depuradora.
-Nas paróquias os colectores existentes despejam sem controlo para o rio do qual bebe Ponte Areas sem depuraçom, tam só acrescentando cloro, e centenas de fossas sépticas contaminam águas subterráneas que se acabam filtrando ao rio Tea.

PP-UCPA-PSOE-BNG som responsáveis por este panorama, basicamente que após mais de cinco anos ainda esteja sem completar o saneamento de Ginzo, Areas e Arnoso.

Ponte Areas de Esquerda alerta sobre a gravidade desta situaçom e urge a aplicaçom de medidas de choque que solucionem a preocupante contaminaçom do Tea. Se isto nom for feito, assistiremos a problemas de salubridade da água que consumimos e portanto ao incremento de doenças.

Ponte Areas de Esquerda compromete-se a promover as seguintes medidas e solicita ao resto das candidaturas um firme compromisso para:

1- Aplicar um saneamento completo e real do núcleo urbano e das paróquias.

2- Aproveitar os fundos da UE para a instalaçom de prantas de depuraçom.

3- Precintar os colectores incontrolados.

4- Construir umha planta de depuraçom específica paar o futuro parque industrial.

Os nossos rios som fonte de vida e riqueza, do Tea bebemos vários concelhos, dúzias de milhares de pessoas. Segundo os últimos estudos da UE se continua a dinámica actual, antes do 2040, teremos perdido a prática totalidade de água potável para o nosso consumo.

Ceia de apoio a Ponte Areas de Esquerda

2007-03-14T17:38:00.000+01:00

O vindouro sábado 17 de Março a partir das 21 horas terá lugar no Local Social Baiuca Vermelha umha ceia de apoio à candidatura de Ponte Areas de Esquerda encabeçada por Abraám Alonso Pinheiro.

Para poder assistir reservar o bono na Baiuca Vermelha ou telefonando a 651498 357.

Ponte Areas de Esquerda denuncia corrupçom urbanística e solicita vivenda digna

2007-03-14T01:46:00.000+01:00

Ponte Areas de Esquerda pendurou terça-feira 13 de Março umha faixa de 10 metros nas obras de um prédio paralisado por ordem judicial e propriedade de Regino Giraldez Boo com a legenda “CONTRA A CORRUPÇOM URBANÍSTICA E POR UMHA VIVENDA DIGNA”.

A faixa durou apenas umhas poucas horas, mas fôrom suficientes para recolher a acçom graficamente. Esta iniciativa pretende exprimir que Ponte Areas de Esquerda tem a firme determinaçom de denunciar e combater a corrupçom urbanística e a especulaçom imobiliária.

A imediata retirada da faixa é conseqüência da forte influência do lobby da construçom no nosso Concelho. Os proprietários de construtoras, imobiliárias e promotoras nom estám dispostos a que os seus privilégios sejam questionados por ninguém, e nom querem permitir que esta grave situaçom seja denunciada de forma clara pola verdadeira esquerda de Ponte Areas.

POR UMHA VIVENDA DIGNA

Tod@s sabemos que o direito a vivenda é isso mesmo, um direito; direito que na teoria temos. Mas, como se pode entender que para nos beneficiarmos desse direito tenhamos que passar toda a nossa vida hipotecad@s e com as pressons do embargo bancário atrás de nós mês a mês?

Ponte Areas de Esquerda defenderá no Concelho, contra vento e maré, a construçom de vivenda pública e a baixo custo. A vivenda é um direito e como tal devemos ser nós @s beneficiári@s deste e nom, como até hoje, promotoras, construtoras, bancos e caixas.

Ponte Areas de Esquerda, a voz da classe trabalhadora de Ponte Areas no Concelho, garante a tod@s @s trabalhadoras e trabalhadores que defenderá os interesses da maioria social e nom decepcionará as expectativas que a nossa candidatura está a recolher.

O "totus revolutus" nom representa a realidade de Ponte Areas

2007-03-14T01:44:00.000+01:00

Apresentamos artigo de opiniom publicado na ediçom comarcal do jornal galego A PENEIRA

No número anterior o editorialista fazia um diagnóstico parcialmente errado da política municipal. Após realizar um breve repasso desta legislatura o autor transmite valorizaçons negativas e claramente convencionais da política do nosso Concelho, caindo no habitual reduzionismo maniqueu de considerar que as forças da esquerda institucional poderám ver-se prejudicadas por candidaturas alternativas como a que Ponte Areas de Esquerda representa.
Nada mais longe da realidade. A candidatura que tenho a honra de encabeçar representa um projecto vicinal, jovem e emergente, enquadrado nos parámetros da esquerda soberanista, ideologicamente plural, de base genuinamente operária e popular, e a diferença das outras candidaturas mantém umha coerência entre o que prometemos, dizemos e fazemos. Cousa que os outros sim podem afirmar, mas nom demonstrar porque as evidências desmentem a mais mínima tentativa de fazê-lo.
Somos pois, umha nova alternativa que quer representar tod@s aqueles que consideram que Ponte Areas merece algo melhor, que estám cansad@s de promessas incumpridas, da política espectáculo. Queremos ser a voz d@s que ainda hoje nom se sentem representad@s, ou bem perante a ausência em anteriores ocasions de umha alternativa como a nossa optárom polo mal chamado voto útil.
Portanto temos um espaço próprio, bem delimitado do que ocupam outras opçons. A legitimidade da nossa candidatura reside em que nasce dos movimentos sociais, das luitas populares, de várias geraçons de vizinh@s que nom nos sentimos representad@s no Concelho.
Para além das etiquetas as forças presentes na Cámara Municipal tenhem muito mais em comum que diferenças.
PP-PSOE-UCPA-BNG compartilham um modelo social bastante semelhante, privatizárom os serviços públicos como a recolha do lixo aplicando idênticas políticas neoliberais, carecem de coragem para fazer frente à especulaçom urbanística ou bem representam directamente os seus interesses, nom mantivérom a mais mínima preocupaçom polo meio ambiente, juventude e @s imigrantes.
Solha, Candeira, Nava e Mera som profissionais da política, indivíduos sem escrúpulos nem grandes princípios, capazes de qualquer cousa para perpetuar-se no poder.
Sei que estas afirmaçons som politicamente incorrectas, mas também sei que representam a opiniom de muita gente de bem, por isto antes de finalizar queria deixar constáncia de um sucesso verídico que aconteceu há uns dias e que exprime com nitidez o que expugem. Enquanto 6 vizinh@s de Ponte Areas éramos julgad@s em Ponte Vedra por termos participado na eliminaçom da simbologia fascista que até há 2 anos enchia a vila, e que só foi suprimida pola pressom popular exerceu sobre o breve e ineficaz governo PSOE-BNG, tivo lugar no exterior da sala dos julgados umha cena representativa do grau de degeneraçom e corrupçom atingida pola política institucional.
Quando a Roberto Mera –presente como umha das testemunhas da defesa-, lhe comunicam que pode abandonar o julgado perante a negativa da juíza a aceitar as provas dos advogados d@s antifascistas, o líder do BNG nom se retira do prédio sem antes achegar-se a saudar a Pepe e Nava Castro, e só se vai embora após umha breve conversa distendida entre sorrisos e boas palavras com as máximas expressons da extrema-direita local. Acto seguido o ex-alcaide franquista e conhecido falangista diz-lhe à sua filha: “Este Roberto es un crack”.
A política converteu-se num simples espectáculo, onde os actores representam um roteiro previamente elaborado, sem acreditar realmente no que dim. Se nom fosse assim como explicar este tipo de sucessos tam lamentáveis que superam o respeito mútuo?, que tam só banalizam e desprestigiam a política como um nobre serviço público?.
Por isso Ponte Areas de Esquerda nom forma parte desse totus revolutus.

Abraám Alonso Pinheiro é candidato à presidência da Cámarara Municipal de Ponte Areas por Ponte Areas de Esquerda (abramgz@hotmail.com)

FISCALIA SOLICITA DURAS PENAS CONTRA SEIS ANTIFASCISTAS DE PONTE AREAS

2007-02-27T20:26:00.000+01:00

Hoje tivo lugar em Ponte Vedra o juízo contra seis vizinh@s de Ponte Areas acusad@s de ter distribuido um cartaz identificando a Nava Castro com Franco. Três destes vizinh@s formam parte de Ponte Areas de Esquerda.

Nava Castro é filha de Pepe Castro, ex-militante falangista e Presidente da Cámara de Ponte Areas durante o franquismo e nas primeiras legislaturas do actual regime, que foi inabilitado por diversos delitos urbanísticos. Desde 2003 a sua filha encabeça a candidatura à presidência da Cámara de Ponte Areas pola organizaçom de extrema-direita UCPA, umha cisom comarcal do PP.

Em 1999 o pleno municipal do Concelho de Ponte Areas aprovou por maioria retirar a simbologia fascista que inçava a localidade com os votos contrários do grupo de Pepe Castro que se negou a executar a decisom.
A actividade e pressom social da Plataforma Cidadá pola retirada do monumento a Franco foi determinante para forçar ao governo municipal a retirada da simbologia em 2003, após as eleiçons municipais que permitírom o fugaz e ineficaz governo PSOE-BNG.

No juízo celebrado hoje a Fiscalia que exerce de acusaçom solicitou mais de 24.900€ em conceito de multa e indenizaçom a Nava Castro e à UCPA por “delito eleitoral”.

Ponte Areas de Esquerda lamenta que a juiza nom permitisse à defesa empregar as testemunhas orais nem aceitasse a documentaçom apresentada polos dous advogados, e antes de finalizar a vista expulsasse da sala aos/às vizinhas de Ponte Areas, a activistas do Local Social Baiuca Vermelha, da candidatura vicinal Ponte Areas de Esquerda e diversos dirigentes da esquerda indepdendentista que aroupárom com a sua presença @s seis antifascistas.

O candidato à alcaldia por Ponte Areas de Esquerda Abraám Alonso Pinheiro manifestou aos meios de comunicaçom que cubrírom este juízo que “está orgulhoso de ter contribuido à retirada da simbologia fascista de Ponte Areas e a fazer da Galiza um país mais limpo de lixo franquista”.

Ponte Areas de Esquerda agradece as mostras de solidariedade recebidas por diversos colectivos e vizinh@s de Ponte Areas e manifesta que nom defraudará a tod@s @s que contribuírom a eliminar das nossas ruas a iconografia do fascismo que impujo Pepe Castro.

Novamente solicitamos a Nava Castro e à UCPA que condene publicamente sem paliativos nem ambigüidades o regime franquista e os seus crimes.

Este juízo deve enquadrar-se na ofensiva da direita contra a recuperaçom da memória histórica, contra os esforços realizados polo movimento popular à hora de destapar os crimes do franquismo. A censura judicial de umha web de Ogrobe onde represaliados polo fascismo denunciavam com nomes e apelidos aos carrascos, ou a tentativa de familiares de ex-responsáveis falangistas de Cerdedo de silenciar as investigaçons da repressom realizadas polo historiador Dionísio Pereira formam parte de umha estratégia para manter na impunidade e no esquecimento aos que em 1936 destruírom a democracia, arruinárom Galiza e matárom ou expulsárom da nossa naçom a dúzias de milhares de mulheres e homes polo único delito de querer umha pátria livre e justa.

A Ponte Areas que luita, a Ponte Areas rebelde e combativa nom cessará na luita contra todo vestígio de fascismo no Condado.

Ponte Areas 27 de Fevereiro de 2007

ABRAÁM ALONSO E NAVA CASTRO CARA A CARA NOS TRIBUNAIS

2007-02-27T19:59:00.000+01:00

Amanhá 27 de Fevereiro Abraám Alonso, candidato a alcaide por Ponte Areas de Esquerda, e Nava Castro, candidata pola UCPA, terám que ver-se as caras no Julgado do Penal nº 3 de Ponte Vedra.

A defesa dos valores democráticos que Abraám Alonso exercitou quando junto com vizinh@s de Ponte Areas impulsionou e formou parte da Plataforma Cidadá pola Retirada do Monumento a Franco foi motivo de denúncia por parte da UCPA e de Nava Castro que defendiam a permanência do monumento a Franco na Praça Maior do nosso concelho.

Nas eleiçons municipais de 2003 o monumento continuaba presente na praça assim como os nomes das ruas homenageabam aínda a fascistas e/ou a datas sinaladas do franquismo. A retirada de aquele e o cámbio de nome das ruas foram aprovados polo pleno municipal em 1999. Para denunciar a situaçom a nomeada Plataforma editou um cartaz similar ao da propaganda eleitoral de Nava Castro mudando o seu rosto polo do busto de Franco do monumento.

Desde Ponte Areas de Esquerda queremos fazer fincapé em que no juízo de amanhá sentarám-se fronte a fronte a defesa de valores de democracia, igualdade, solidariedade, respeito e toleráncia representados por Abraám Alonso, fronte à intransigência, despotismo, cinismo e valores ditatoriais da Nava Castro e UCPA.

Queremos dar a conhecer também que três d@s seis imputad@s no juízo de amanhá 27 de Fevereiro som candidat@s de Ponte Areas de Esquerda.

Apoiamos e respaldamos a concentraçom que diversos colectivos antifascistas do Condado realizarám amanhá às 10.30 nas portas dos julgados de Ponte Vedra.

Ponte Areas de Esquerda solicita à UCPA e à sua candidata à alcaldia de Ponte Areas que condene sem ambigüidades nem paliativos os 40 anos de ditadura franquista para assim demonstrar que é umha força política democrática.

Ponte Areas 26-02-2007

51.473,52 EUROS; O SALÁRIO DO ALCAIDE É UM ROUBO

2007-02-22T15:05:00.000+01:00

Em pleno municipal de Outubro de 2006, eram aprovados os salários dos membros da corporaçom municipal com dedicaçom exclusiva e/ou a tempo parcial.

A proposta apresentada pola UCPA foi aprovada com os seus 5 votos a favor e com os 5 do BNG. O PSOE optou pola abstençom sabendo que ficava igualmente aprovada, e o PP votou contra por considerar que tinha direito a 4 e nom 3 dedicaçons exclusivas.

O resultado da votaçom demonstrou mais umha vez que nom há grandes diferenças entre as quatro forças políticas presentes no actual Concelho. Solla, Mera, Candeira e Nava estám de acordo em cobrarem 51.473,52 euros ao ano (mais de 8 milhons das antigas pesetas) ao conseguir a o posto de alcaide.

“Um/umha concelheir@ que ostente delegaçom genérica ou especial poderá perceber umha retribuiçom de 1.649,79€ ao mês, em catorze pagas anuais, polo exercício do seu cargo com dedicaçom exlusiva.

Cada grupo municipal da oposiçom terá direito à nomeaçom de um/umha concelheir@ desse Grupo em regime de dedicaçom a tempo parcial, percebendo umha retribuiçom de 824,90€ brutos ao mês, em 14 pagas anuais (por 20 horas semanais de “trabalho”)”

O salário médio na Galiza é de 1.313,78€, mas em 2006 os 60,8% d@s trabalhadoras/es obtivérom rendimentos inferiores a essa média com 868€ por mês. Tendo em conta que 10% das familias galegas vivem abaixo do limiar da pobreza, que 15% destas recebe menos de 600€ ao mês, e que 33% do total menos de 1.000€ mês, os actuais salários d@s membros do Concelho som um insulto à classe trabalhadora.

Ponte Areas de Esquerda propom e solicita que o Pleno da corporaçom municipal aprove que o salário do alcaide e d@s concelheir@s será igual ao da média dos salários da Galiza, ou seja 1.313,78€, e nom 3.676.68€ para o alcaide, nem 1.649,79€ para concelheir@s com dedicaçom exclusiva.

Ponte Areas de Esquerda compromete-se a defender no Concelho por meio d@s concelheir@s eleit@s da nossa candidatura a cortar os privilégios de que gozam @s actuais membros da corporaçom municipal.

Para isto, a tua confiança em Ponte Areas de Esquerda no dia 27 de Maio é um requisito imprescindível. Devemos pôr fim de umha vez por todas a que os que se dim “representantes da vizinhança no Concelho”, o PP, BNG, UCPA e PSOE se outorguem esses salários com o nosso dinheiro, quando a maioria da classe trabalhadora temos dificuldades para chegar a fim de mês.

Agressom intolerável de responsável de Cultura a um vizinho ENTRUDO EM PONTE AREAS, ESPECTÁCULO LAMENTÁVEL

2007-02-21T22:08:00.001+01:00

Na tarde do Domingo as vizinhas e vizinhos de Ponte Areas assistírom mais umha vez ao lamentável estado de saúde do Governo Municipal.

O cenário situado na Praça da Igreja para as comparsas participantes no concurso convocado polo Concelho era pequeno, inseguro, lúgubre e simplesmente impresentável numha data de alegria e cor como é o Entrudo. O júri tivo que estar de pé durante horas e somar os pontos outorgados a cada actuaçom sem luz e sem umha mísera mesa na qual apoiar-se, todo ao pé do camiom que servia de palco.

É obrigado recordar que há vizinhas e vizinhos que há meses trabalham na confecçom das carroças e comparsas. Chegar ao dia assinalado e que o governo municipal mostre tal indiferença e atençom para com tod@s nós é intolerável. Nom se pode permitir que um concelho com mais de 20.000 habitantes se veja exposto a faltas de respeito tam grandes como a acontecida ontem.

Agressom de responsável de Cultura e membro de UGT a um vizinho
Para fechar a catástrofe cuja máxima responsável é a Concelharia da Culltura, o trabalhador laboral e responsável pola Cultura Dalmácio Vasques, membro do Comité de Empresa da UGT agrediu um espontáneo que subiu ao cenário “a dar a nota”, facto este habitual em celebraçons de massas.

A atitude violenta mostrada por esta pessoa que ostenta um cargo público está a todas luzes fora de lugar. O diálogo e a negociaçom, características exigíveis a todo sujeito com responsabilidades públicas brilhárom pola sua ausência na “actuaçom” de Dalmácio que apresentou um exemplo lamentável a umha praça cheia de nenas e nenos. Perante este espectáculo boa parte do público optou por abandonar a praça.

Ponte Areas de Esquerda solicita ao pleno de Ponte Areas que manifeste a sua repulsa à atitude deste trabalhador do Concelho. Assim mesmo solicitamos a comparecência do próprio Concelheiro Luciano Represas para que mostre publicamente as suas desculpas ao vizinho agredido e ao conjunto de vizinhas e vizinhos do Concelho que nom temos porque aguentar a incompetência e nom saber estar da equipa de governo.

Abraám Alonso encabeça candidatura de Ponte Areas de Esquerda

2007-02-08T16:49:00.000+01:00

A candidatura vicinal Ponte Areas de Esquerda desvelou em conferência de imprensa o nome do candidato à alcaide de Ponte Areas.

O conhecido activista e luitador Abraám Alonso Pinheiro foi finalmente a pessoa escolhida para encabeçar o que será a grande revelaçom nas eleiçons municipais de 27 de Maio.

Na apresentaçom aos meios de comunicaçom estivo arroupado por boa parte das mulheres e homens que configuram a candidatura de esquerda soberanista que conta com entrar na Cámara Municipal. Umha equipa conformada por destacad@s activistas do movimento associativo e popular, por gente de toda a vida de Ponte areas, mas também por membros da comunidade imigrante integrada na Ponte Areas do século XXI.

Nas suas primeiras declaraçons como candidato Abraám Alonso manifestou que desde Outubro “levamos desenvolvendo umha intensa campanha para dar a conhecer o que somos", e que nestes meses “temos recolhido simpatias, alento e apoios de muita gente, mui superiores às estimaçons mais optimistas”. Definiu Ponte Areas de Esquerda como “umha candidatura jovem e inovadora”, umha candidatura que “será a garantia de que o governo saínte das eleiçons de Maio aplique um programa verdadeiramente de esquerda, isto é um programa ao serviço da maioria social de Ponte Areas que somos o Povo Trabalhador, todas aquelas pessoas que vivimos do nosso trabalho”.

Abraám Alonso incidiu em que a presença de Ponte Areas de Esquerda “no futuro governo é fundamental para que as promesas eleitorais de BNG e PSOE nom fiquem em palavras que leva o vento como está a acontecer com o governo da Junta de Galiza”.
Ponte Areas de Esquerda vai ser a garantia de que a maioria social de Ponte Areas que aposta por um governo progressista nom se sinta novamente defraudada por políticas continuistas.

O candidato de Ponte Areas de Esquerda deu vários exemplos das coincidências programáticas das forças actualmente representadas no Concelho. “A privatizaçom do serviço do lixo à qual Ponte Areas de Esquerda se opujo rotundamente é a monstra mais evidente de que PP, UCPA, BNG e PSOE coincidem plenamente na aplicaçom de medidas neoliberais tendentes a suprimir os serviços públicos mediante a sua privatizaçom”.

Também denunciou o “show-mediático a respeito do parquing soterrado na Praça Maior com manipulaçom incluída da Associaçom de Comerciantes, ou a perda dos serviços públicos como a Técnica de Emprego ou o Departamento de atençom a Emigrantes e Imigrantes” como umha monstra mais de que nom existem diferenças de fundo entre PP,UCPA, BNG e PSOE.

Abraám Alonso manifestou que Ponte Areas de Esquerda vai imprimir umha nova forma de fazer política dando protagonismo ao conjunto da vizinhança mediante assembleias participativas, pois “o nosso compromisso será introduzir no Concelho a voz dos que nunca somos escuitad@s”.

Abraám Alonso afirmou que candidatura está conformada maioritariamente por trabalhadoras e trabalhadores, que sendo umha candidatura jovem tem um projecto de futuro bem definido para Ponte Areas, com “capacidade e ilusom, umha candidatura sem ataduras, com ideias e vontade de deixar a pele na defesa dos interesses da vicinhança”.

Finalmente apresentou 11 razons polas quais o Povo Trabalhador de Ponte Areas deve apoiar Ponte Areas de Esquerda nas vindouras municipais de Maio.

1. Somos a primeira candidatura vicinal da esquerda soberanista apresentada na história ao Concelho em Ponte Areas. Somamos a pluralidade e a diversidade das vozes populares.

2. Somos umha candidatura formada basicamente por trabalhadoras e trabalhadores com um projecto de futuro. Como candidatura genuinamente popular, defenderemos por cima de todo os interesses da classe social maioritária, a classe trabalhadora.

3. Ponte Areas de Esquerda imporá o cumprimento dos convénios colectivos e criará emprego de qualidade.

4. Somos conscientes do papel essencial que cumpre a mulher na sociedade. Somos a única candidatura que conta com a presença de destacadas activistas na defesa dos direitos da mulher e contra os abusos e discriminaçons que padece.

5. Apostamos abertamente no futuro da juventude. A nossa candidatura defenderá os seus interesses.

6. Ponte Areas de Esquerda considera que os direitos que temos som para os fazer valer. Por isso, nom renunciaremos a reivindicar todos os direitos da classe trabalhadora. A defesa do direito de autodeterminaçom para Povo Galego é fundamental para a instituiçom municipal.

7. Defendemos em igualdade de condiçons @s nov@s trabalhadores/as que, vindo de diversas partes do mundo, se tenhem instalado na nossa comunidade. Para Ponte Areas de Esquerda @s imigrantes tenhem idênticos direitos e deveres que a populaçom “autóctone”. Comprometemo-nos a ser a sua voz no Concelho.

8. Ponte Areas de Esquerda criará umha assembleia aberta à vizinhança para debater os temas a tratar no pleno municipal. Desta maneira, o povo de Ponte Areas terá voz directa no Concelho por meio de cada concelheir@ eleit@ da nossa candidatura.

9. Somos umha candidatura vicinal, umha alternativa colectiva e plural. Carecemos de atitudes personalistas e nom potencializamos como os demais um super-candidato. Somos um projecto colectivo.

10. Ponte Areas de Esquerda nom está supeditada a directrizes alheias aos interesses do povo trabalhador. Somos umha candidatura cujo centro de gravidade é Ponte Areas.

11. Somos umha candidatura jovem, mas com imensa capacidade e sobretodo ilusom. Nom temos ataduras, só boas ideias e vontade de deixar a pele na sua aplicaçom. Contamos com um projecto de futuro.

Abraám Alonso Pinheiro, um reconhecido luitador

Abraám Alonso Pinheiro tem 27 anos, mas conta com umha intensa trajectória associativa em prol dos interesses vicinais e na defesa das liberdades e dos direitos colectivos. Operário do metal, desde jovem estivo sempre vinculado ao mundo do Trabalho. Tem estudos de Filosofia e participou activamente no movimento estudantil galego, em AGIR.

Participou activamente na luita do IES Pedra de Água e contra a construçom da cimenteira de Oliveira.

Foi um dos promotores, em 2002, da Plataforma pola retirada do monumento a Franco, e em 2006 da Comissom pola recuperaçom da Memória Histórica do 36. Tem padecido represálias polo seu incondicional apoio à luita das operárias de Avigan e a outras demandas populares. Fai parte da Direcçom Nacional de NÓS-Unidade Popular.

EDITADO VOZEIRO DE PONTE AREAS DE ESQUERDA

2007-02-07T23:54:00.000+01:00

Já está disponível o número 1 do vozeiro bimensal de Ponte Areas de Esquerda. Descarregar em pdf cá

ACÇOM REIVINDICATIVA LEVADA A CABO COM SUCESSO

2007-02-03T15:40:00.000+01:00

Às 12 do meiodia do Sábado 3 de Fevereiro membros de Ponte Areas de Esquerda levarom a cabo umha acçom reivindicativa para remarcar a necessidade de que Ponte Areas conte quanto antes com umha Casa da Juventude.

Duas enormes faixas eram desplegadas sobre as barandas dos prédios propostos para albergar a Casa da Juventude, os números 14 e 16 da Rua dos Ferreiros.

Reproduzimos a coontinuaçom o conteúdo do comunicado e da moçom apresentada no Concelho para rehabilitar e dignificar estes imponentes prédios e para que sejam postos ao serviço desse importante sector social, marginalizado e sem alternativas, que é a Juventude:

Ponte Areas de Esquerda alertou ao Governo Municipal de que no Concelho existem numerosos imóveis que podem acolher-se aos subsídios da Junta de Galiza de 4,5 milhóns de euros para 2007 para imóveis que se destinem a património público de carácter ambiental.

A imponente e singular casa situada na Rua dos Ferreiros nº 14, e o prédio contíguo nº 16, assim como parte da finca que os rodeia, som os dous imóveis que devem ser apresentados para beneficiar-se dessa medida, para após a sua integral reabilitaçom, dispó-los como espaço para a juventude do Concelho. É o lugar idóneo para instalar umha moderna e ecologicamente sustentável CASA DA JUVENTUDE de Ponte Areas.

Salas para ensaios, auditório, sala para audio-visuais, sala de informática, locais para associaçons, pistas para desporto, piscina, cafetaria, discoteca, instalaçons para manter relaçons sexuais garantindo plena informaçom sobre o uso de anticonceptivos e formaçom sexual, etc... de carácter gratuíto e público, som algumhas das múltiplas necessidades das que a juventude de Ponte Areas leva anos carescendo.

O Concelho deve abrir negociaçons com os actuais proprietários deste emblemático imóvel par evitar a sua ruina total chegando a um acordo beneficioso para Ponte Areas, especialmente para a juventude.

Assim mesmo propomos para o seu acondicionamento apresentar a casa como projecto para os vindouros obradoiros de emprego com as modalidades de albaneleria, canteiria, carpintaria e jardinaria criando à vez da Casa da Juventude, formaçom e emprego.

Ponte Areas de Esquerda compromete-se a fazer no concelho umha política que revolucione e remate com a actual situaçom. A juventude de Ponte Areas deve ter voz e peso nas decisons do futuro, que serám o nosso presente.

Desde Ponte Areas de Esquerda pedimos-vos umha oportunidade. Solicitamos o vosso apoio a umha alternativa radicalmente diferente aos já conhecidos PP, PSOE, BNG e UCPA. O vosso apoio a Ponte Areas de Esquerda nas eleiçons de Maio será a ruptura com a política reservada só a umha reduzida elite. Garantimos que nom vos decepcionaremos!

Apoio de Ponte Areas de Esquerda às/aos imigrantes no pleno municipal

2007-01-31T15:11:00.000+01:00

Membros de Ponte Areas de Esquerda encenárom no pleno municipal de Terça-feira 30 de Fevereiro o seu apoio às reivindicaçons da comunidade imigrante. A acçom de apoio denúncia novamente que a nomeada comunidade foi privada de um serviço público de atençom pola incompetência e desinteresse do PP, só no Governo após a ruptura com a UCPA e com a cumplicidade que supujo o desinteresse das demais forças com represantaçom no Concelho.

Reproduzimos na íntegra umha carta anterior à perda do serviço, entregada a membros da imigraçom:

Carta de Ponte Areas de Esquerda a tod@s @s imigrantes

Ponte Areas de Esquerda quer fazer-vos chegar um fraternal saúdo a todas aquelas pessoas que por circustáncias sócio-económicas ou alheias a vossa vontade vós vedes hoje na obrigaçom de residir longe dos vossos países e dos vossos seres queridos.

Muit@s de nós conhecemos e sabemos da dureça desta situaçom porque a Galiza durante mais de um século, e mesmo ainda hoje, é um país de emigrantes.

Sabemos das enormes dificuldades que o quadro jurídico-político espanhol apresenta para evitar a “entrada de imigrantes” no seu território. Consideramos um gravíssimo insulto o tratamento dado ao “colectivo de imigrantes”, muito especialmente num país que como o nosso se viu na obriga de acudir aos vossos países de origem na procura de umha vida melhor.
Sabemos também que boa parte do empresariado se beneficia da vossa situaçom irregular, abusando desta, pagando por debaixo do que marca a lei, nom cumprindo os convénios, nom respeitando direitos, para enriquecer-se ainda mais da exploraçom.

De Ponte Areas de Esquerda queremos fazer-vos chegar um compromiso. Como candidatura formada por trabalhadoras e trabalhadores e como internacionalistas que somos comprometemo-nos a facilitar toda a informaçom e assessoramento, toda ajuda e apoio a toda a comunidade imigrante, e defenderemos os vossos direitos em igualdade de condiçons que o resto da vicinhança de Ponte Areas. Seremos a tua voz no Concelho e trabalharemos pola regularizaçom da tua situaçom.

Conscientes das situaçons de extrema perigosidade às quais muit@s vos vedes expost@s se tratades de fugir da indesejada exploraçom laboral, garantimos absoluta confidencialidade na prestaçom de informaçom e ajuda. Estabeleceremos telefones de contacto e assistiremos ao vosso encontro para evitar-vos possíveis represálias.

O vosso apoio a Ponte Areas de Esquerda nas vindouras eleiçons de Maio será de enorme importáncia para que os vossos e os nossos diereitos sejam iguais e para por fim às discriminaçons e às exclussons de qualquer tipo.

Vós sodes parte também do povo de Ponte Areas.

Benvid@s!

CASA DA JUVENTUDE JÁ

2007-01-24T01:32:00.000+01:00

Ponte Areas de Esquerda alertou ao Governo Municipal de que no Concelho existem numerosos imóveis que podem acolher-se aos subsídios da Junta de Galiza de 4,5 milhóns de euros para 2007 para imóveis que se destinem a património público de carácter ambiental.

A imponente e singular casa situada no Rua dos Ferreiros nº 14, e o prédio contíguo nº 16, assim como parte da finca que os rodeia, som os dous imóveis que devem ser apresentados para beneficiar-se dessa medida, para após a sua integral reabilitaçom, dispó-los como espaço para a juventude do Concelho. É o lugar idóneo para instalar umha moderna e ecologicamente sustentável CASA DA JUVENTUDE de Ponte Areas.

Salas para ensaios, auditório, sala para audio-visuais, sala de informática, locais para associaçons, pistas para desporto, piscina, cafetaria, discoteca, instalaçons para manter relaçons sexuais garantindo plena informaçom sobre o uso de anticonceptivos e formaçom sexual, etc... de carácter gratuíto e público, som algumhas das múltiplas necessidades das que a juventude de Ponte Areas leva anos carescendo.

O Concelho deve abrir negociaçons com os actuais proprietários deste emblemático imóvel par evitar a sua ruina total chegando a um acordo beneficioso para Ponte Areas, especialmente para a juventude.

Assim mesmo propomos para o seu acondicionamento apresentar a casa como projecto para os vindouros obradoiros de emprego com as modalidades de albaneleria, canteiria, carpintaria e jardinaria criando à vez da Casa da Juventude, formaçom e emprego.

Ponte Areas de Esquerda compromete-se a fazer no concelho umha política que revolucione e remate com a actual situaçom. A juventude de Ponte Areas deve ter voz e peso nas decisons do futuro, que serám o nosso presente.

Desde Ponte Areas de Esquerda pedimos-vos umha oportunidade. Solicitamos o vosso apoio a umha alternativa radicalmente diferente aos já conhecidos PP, PSOE, BNG e UCPA. O vosso apoio a Ponte Areas de Esquerda nas eleiçons de Maio será a ruptura com a política reservada só a umha reduzida elite. Garantimos que nom vos decepcionaremos!

Ponte Areas perde serviços municipais: PP, UCPA ,PSOE, BNG RESPONSÁVEIS!

2007-01-24T01:30:00.000+01:00

A dia 18 de Dezembro de 2006, era de conhecimento público a nom renovaçom do contrato ao advogado responsável polo Departamento de Atendimento a Emigrantes e Imigrantes. Também era conhecido o abandono da Técnica de Emprego, ao rejeitar umha oferta de ascenso mantendo as mesmas condiçons salariais.

PP, UCPA, PSOE e BNG som conhecedores de que há serviços públicos em Ponte Areas que dependem directamente de subsídios e que estes nom som renovados se o Concelho mantiver dívidas com Segurança Social, como sucede na actualidade.

PP, UCPA, PSOE e BNG anteponhem os interesses partidários aos da populaçom à qual dim servir; preferem aguardar a que o concelho fique sem serviços e culpar disso quem governa nesse momento. A nengum deles importa que a populaçom seja a maior prejudicada se isto ajudar a desgastar quem governa para ocupar o seu lugar.

As quatro forças políticas som responsáveis pola actual situaçom de perda de serviços públicos. Ser conhecedores da situaçom e nom avisar da mesma antes de que o mal suceda é umha negligência e umha irresponsabilidade para com as vizinhas e vizinhos de Ponte Areas, que converte em cúmplices a UCPA, PSOE e BNG.

A Peneira entrevistou Abraám Alonso Pinheiro, integrante de Ponte Areas de Esquerda

2007-01-19T23:17:00.000+01:00

Reproduzimos a entrevista a Abraám Alonso Pinheiro, que foi publicada pola ediçom comarcal do Jornal Galego A Peneira, em que se tratam assuntos relacionados com a novidosa candidatura popular à Cámara Municipal ponteareá.

A Peneira entrevistou Abraám Alonso Pinheiro, integrante da candidatura vicinal Ponte Areas de Esquerda: “Estudaremos as propostas, ainda que nom pactuaremos a qualquer preço”

Às portas das vindouras eleiçons municipais de Maio, surge em Ponte Areas um novo grupo político que eles mesmos definem como “candidatura vicinal”. Abraám Alonso Pinheiro, porta-voz de Ponte Areas de Esquerda, fala do seu grupo.

Redacçom/PONTE AREAS

-As que venhem serám, sem dúvida, as eleiçons da pluralidade política. Nestes momentos, se deitarmos contas, saem uns seis grupos políticos...

Sim, além disso, pola primeira vez os vizinhos terám a oportunidade de colocar com o seu voto um grupo que represente a voz dos vizinhos e dos trabalhadores.

-Como pensam trasladar a voz dos vizinhos ao consistório?

De um jeito inovador, que já funciona nalguns lugares do sul do Estado espanhol. Abriremos umha assemblea aberta em que qualquer cidadao ou cidadá poderá participar, nesta assembleia valorarám-se os temas que se vam tratar nos plenos e, deste jeito, garantirá-se que os votos que se emitirem no pleno sejam o reflexo do que a vizinhança pede e necessita. O objectivo é romper a dificultade com que deparam os vizinhos para participar na tomada de decisons da Cámara Municipal.

-Para quando a apresentaçom do candidato? Por acaso vai ser o senhor?

Todo pode ser. A lista ainda está aberta e vam ser escuitadas todas as propostas. Existem algumhas probabilidades.

-Sentem o apoio dos vizinhos?

Claro que sentimos; sentimos o apoio de um núcleo de populaçom, sobretodo jovem, que partilha as mesmas inquietaçons e que estám descontentes com o jeito de fazer política dos grupos da corporaçom da vila.

-Qual é o jeito de fazer política desses grupos?

Pois creio que umha política continuísta que nom rompeu para nada com todos os anos de governo do estilo do ex-presidente da Junta, Manuel Fraga. Nestes momentos, consideramos que nom há nenhum partido político dentro da corporaçom com intençom nem vontade política de frear a especulaçom urbanística, por exemplo. Nem sequer o PSOE e o BNG, na sua passagem polo governo, se atrevêrom a fazer umha auditoria que revelasse aonde foi parar tanto dinheiro municipal nos governos de PP-UCPA.

-Com quem estariam dispostos a pactuar?

Sempre e quando respeitassem e aceitassem as nossas condiçons, poderíamos pactuar com quase todos, excepto a extrema-direita da UCPA. É claro que nom se pode pactuar a qualquer preço.

-Que é o que mais necessita Ponte Areas nestes momentos?

Que se escuite a voz da vizinhança, que se deixem de privatizar serviços e sejam criados empregos públicos que respeitem os convénios colectivos; que nom toquem a Praça Maior porque existem outras zonas onde se pode fazer o parque de estacionamento soterrado; que se faga um PGOM que interesse à vizinhança e nom a tramas políticas. Em definitivo: que os vizinhos e vizinhas sejam o primeiro.

NOVOS MURAIS DE PONTE AREAS DE ESQUERDA

2007-01-11T15:56:00.000+01:00

Ponte Areas de Esquerda vem de realizar na localidade três novos murais de grandes dimensons no caminho de dar a conhecer a legenda “TERÁS VOZ NO CONCELHO” que convertiremos em facto por meio d@s conecelheir@s eleit@s da nossa candidatura.

De Ponte Areas de Esquerda comprometemo-nos a que @s

noss@s concelheir@s abrirám umha assembleia aberta a toda a vizinhança de Ponte Areas antes de cada pleno para tomar decissons colectivamente e levar aos mesmos a decissom maioritária emanada dessas assembleias.

PONTE AREAS DE ESQUERDA IMPORÁ CUMPRIMENTO DOS CONVÉNIOS

2007-01-02T18:32:00.000+01:00

É um dado indiscutível que a maioria da populaçom de Ponte Areas padecemos dia a dia na nossa pele o incumprimento do convénio colectivo.

UCPA, PP, PSOE e BNG tenhem aplicado e aplicarám para Ponte Areas políticas que nom perjudiquem demasiado os interesses do empresariado presente na localidade.

Assim, empresas da construcçom, metal, químicas, hotelaria, serviços, limpeza... campam às suas anchas em Ponte Areas obrigando a trabalhar mais horas das que estipula o convénio e pagando por debaixo deste.

Ponte Areas de Esquerda, candidatura vizinhal formada por trabalhadoras e trabalhadores, na sua condiçom de futura chave de governo, após as eleiçons municipais de Maio de 2007, exigirá para permitir a costituiçom do novo governo municipal que as empresas presentes em Ponte Areas deverám cumprir o convénio desde a primeira até a última letra.

Para fazer valer o acordo será necessária a criaçom de um organismo popular de inspecçom para fiscalizar regularmente a todas as empresas que desenvolvam a sua actividade dentro dos limites de Ponte Areas.

O apoio do Povo Trabalhador de Ponte Areas à candidatura Ponte Areas de Esquerda é fundamental para fazer valer no Concelho os nossos interesses e defender também desde o interior da instituiçom municipal estas propostas.

MURAL DE PONTE AREAS DE ESQUERDA

2006-12-21T12:44:00.000+01:00

Membros da candidatura vizinhal Ponte Areas de Esquerda, venhem de realizar o primeiro dos murais previstos numha das zonas de maior tránsito do Concelho.

A legenda “TERÁS VOZ NO CONCELHO” remarca o compromiso da candidatura de celebrar assembleias abertas para abordar questons da política municipal e que @ concelheir@ eleit@ de Ponte Areas de Esquerda leve ao pleno as decissons adoptadas pola vizinhança nestas assembleias.

É o compromiso de Ponte Areas de Esquerda com a democratizaçom da política municipal e com permitir que a populaçom do Concelho poida participar das decissons políticas sempre que estas tenham lugar e nom só elegir “representantes dos seus interesses” umha vez cada quatro anos.

PARQUE MUNICIPAL NA FINCA DOS SARMENTO MAIS PERTO

2006-12-17T16:34:00.000+01:00

A Conselheria de Meio Ambiente destinará ao longo do 2007 4,5 milhons de euros para financiar municípios galegos de tamanho meio para que adquira imóveis e os destinem a património público local de carácter ambiental.

Ponte Areas cumpre com o requisito que marca a Junta da Galiza ao ser umha vila entre 10.000 e 30.000 habitantes para beneficiar-se da medida.

Ponte Areas de Esquerda insta ao governo municipal a manter-se alerta com este subsídio e nom deixar passar esta oportunidade para o nosso Concelho.

A casa e a finca dos Sarmento devem ser apresentados para que a Junta financie a sua adquisiçom por parte do Concelho para assim cumprir com um duplo objectivo:

1.- Dotar o casco urbano de Ponte Areas de mais zonas verdes, com vistas a salvaguardar o coraçom da vila da especulaçom urbanística.

2.- Dotar a Ponte Areas de umha Casa da Cultura para uso da populaçom, da rede associativa e dos colectivos sociais.

Zona Velha de Ponte Areas

Alguns prédios da zona velha

Desde Ponte Areas de Esquerda consideramos que a zona velha de Ponte Areas deve ser apresentada também para beneficiar-se deste subsídio e sair assim da situaçom actual de abandono, deterioramento e perigo nalguns casos para @s viandantes.

Alguns prédios da zona velha

Nom mais especulaçom urbanística. Parque municipal e centro socio-cultural na finca dos Sarmento

2006-12-06T15:24:00.000+01:00

O actual caos urbanístico que padece Ponte Areas -dificuldades de movimento tanto a pê como em carro, estacionamento insuficiente em dias de maior movimentaçom social como os de feira, ausência de serviços básicos-, e o feísmo que desfigurou a identidade arquitectónica da vila, ainda podem superar-se com vontade política.

É hora de encetarmos um novo caminho, submetendo a ordenaçom do território e o urbanismo às necessidades e interesses da maioria social, por cima de interesses particulares de especuladores e empresários.

A existência ou carência de zonas verdes, de espaços de lazer e desporto no centro dum núcleo populacional, som sintoma de um urbanismo ao serviço das pessoas no primeiro caso e de um outro bem diferente ao serviço dos interesses do empresariado da construçom.

Ponte Areas conta com um amplo terreno que reune umhas características excepcionais para converter-se numha grande zona verde no que será também centro da vila a medida que continue o seu crescimento. Acolhe umha fermosa contruçom arquitectónica, umha grande casa (estilo paço) que deve converter-se em centro socio-cultural aberto para a sua dinamizaçom por toda a vizinhança. É a conhecida como Finca dos Sarmento.

Ponte Areas de Esquerda propom que esta finca passe a figurar no PGOM, -no qual figura enquadrada na área tipificada como AR-25-, como de parques e espaços livres ou de equipamentos para que assim seja gerida desde a aprovaçom deste polo Concelho e que por tanto seja convertida a espaço de titularidade pública.

Ponte Areas de Esquerda solicita a elevaçom e aprovaçom desta sugestom de modificaçom do PGOM em pleno municipal, para dotar de serviços básicos ao povo de Ponte Areas e simultaneamente evitar que um terreno de importáncia vital para a recuperaçom e humanizaçom do casco urbano de Ponte Areas caia em maos da especulaçom promovida por promotores e constructores.

Plena municipalizaçom de todos os serviços. Nom à privatizaçom do serviço de recolhida do lixo e limpeza viária

2006-11-20T10:22:00.000+01:00

As "diferenças" entre as forças políticas actualmente representadas na corporaçom municipal muitas vezes nom pasam de serem meramente virtuais.

O actual processo de privatizaçom do serviço de recolhida de lixo exemplifica está afirmaçom. As quatro forças políticas (PP, UCPA, BNG e PSOE) coincidem plenamente na aplicaçom de medidas neoliberais tendentes a suprimir os serviços públicos municipais mediante a sua privatizaçom.

É negativo para Ponte Areas entregar este serviço básico a umha empresa privada. Como é secundário e irrelevante que o concurso de privatizaçom seja ganho por FCC (Fomento de Construcciones y Contratas), Urbaser ou Geseco.

O mal serviço emprestado nom é conseqüência do seu carácter municipal, é fruto da má gestom do Concelho polos sucessivos governos da direita e extrema-direita, como no breve paréntese de Candeira-Mera.

A privatizaçom da recolhida terá como conseqüências para o conjunto da vizinhança o deterioramento do serviço e o incremento das tarifas a curto-meio prazo.

E para os trabalhadores e as trabalhadoras do serviço um empioramento das condiçons laborais.

Ponte Areas de Esquerda denúncia a atitude do BNG e do PSOE que incumprindo o programa eleitoral aplicam idêntica política neoliberal que o PP.

Mera apoia a Solha numha palpável mostra de abandono de um programa político minimamente de esquerda.

Ponte Areas de Esquerda reitera a sua firme negativa à privatizaçom do serviço de recolhida de lixo e limpeza viária e a sua aposta pola plena municipalizaçom dos serviços, única garantia de qualidade, eficácia e dignas condiçons laborais.

A nossa futura representaçom no Concelho, após as eleiçons da primavera de 2007, como chave de um governo progressista suspenderá a actual política neoliberal que homologa BNG e PP, PSOE e UCPA.

Nom à construçom do parquing. POR UMHA PRAÇA MAIOR PARA AS PESSOAS

2006-11-20T10:07:00.000+01:00

O início das obras de remodelaçom da praça Maior coincidem com a reactivaçom do projecto de construçom dum parque de estacionamento no seu subsolo. Isto nom é umha boa notícia para Ponte Areas. Tampouco é boa notícia que se converta num confronto artificial de exclusivo carácter eleitoralista por parte das forças com representaçom municipal.

A paralisaçom da obra por parte do BNG e a UCPA só tem como objectivo desgastar ao PP porque entre eles nom existem diferenças de fundo.

Construir um parquing num dos espaços referenciais da vila é insensato e ilógico.
A dimensom de Ponte Areas nom fai necessário concentrar veículos no centro. Tampouco se pode privatizar as ruas obrigando a pagar por estacionar.
Este parquing responde ao selvagem, obsoleto e irracional modelo de urbanismo e transporte, ao exclusivo serviço da especulaçom, que caracteriza a nossa vila desde os anos setenta.
Solha, Nava, Mera e Candeira coincidem no essencial. Submetem-se aos grandes interesses económicos em jogo em vez de defender as necessidades populares. Quem e quanto vai sacar talhada polas obras prima sobre os intereses das pessoas. Ninguém manifesta que com quase total e absoluta seguridade teremos que pagar por estacionar.

Ponte Areas de esquerda opom-se à construçom do parquing na praça Maior e solicita a imediata paralisaçom das obras de remodelaçom até depois das municipais.

É necessário humanizar este espaço público. Se bem a praça Maior necessita umha profunda remodelaçom para recuperar o seu esplendor, convertendo-se num espaço de desfrute das pessoas onde joguem @s nen@s e se poda passear com tranquilidade baixo a sombra das árvores, nom se pode fazer de forma precipitada para buscar rendimento eleitoral. Nom se trata de mudar a cor do cimento e os modelos de farolas.

Ponte Areas de esquerda considera necessário recuperar o velho palco da música e fazer da praça Maior um acolhedor espaço urbano do que tod@s podamos estar orgulhos@s. Mas também um espaço que melhore e facilite as condiçons da feira.

É necessário que centro da vila evite o colapso de tránsito para assim reactivar o comércio e contribuir a melhorar a qualidade de vida em Ponte Areas.

Os quatro grupos com representaçom municipal, mais alá de matices secundários, coincidem no modelo urbano.

Frente à demagogia e coincidências tácticas do BNG e da UCPA, Ponte Areas de esquerda considera necessário a mobilizaçom vicinal para evitar esta nova desfeita e solicita:
1- A construçom de parques de estacionamento gratuítos nas entradas da vila, dotados de serviços básicos que contem também com as especificidades dos veículos pesados.
2- Paralisaçom da remodelaçom da praça Maior até depois das eleiçons municipais.
3- NOM a qualquer projecto de parque de estacionamento da praça Maior.
4- Compromiso público a todas as forças políticas que se apresentarám às eleiçons municipais de nom instalar a ORA.
5- Racionalizaçom na utilizaçom do guindaste: unicamente para retirar veículos que impedem a circulaçom fluída do tránsito
6- Racionalizaçom e habilitamento de espaços de carga e descarga de mercadorias.
7- Criaçom dum serviço municipal de trasporte que conecte todas as paróquias entre si.

Ponte Areas de esquerda será chave do novo governo municipal

2006-11-15T10:36:00.000+01:00

Sábado 28 de Outubro foi apresentada publicamente a genuína candidatura do povo trabalhador ao Concelho de Ponte Areas, Ponte Areas de esquerda.

Ponte Areas de esquerda é umha candidatura da esquerda soberanista que tem como objectivo imediato contar com representaçom no Concelho de Ponte Areas.

No mês de Maio vai produzir-se umha mudança no governo municipal de Ponte Areas. Por primeira vez na história mais recente é possível um verdadeiro governo “progressista” de maneira natural e sem carambolas, umha alternativa à direita representada polo PP e à extrema-direita da UCPA no Concelho de Ponte Areas.

Ponte Areas de esquerda vai entrar no Concelho para ser a chave na mudança do Governo municipal, pois a nossa representaçom será a única garantia para que a política aplicada polo BNG-PSOE seja verdadeiramente de esquerda e ao serviço da maioria social do concelho, para que executem o programa eleitoral sobre o qual se apresentam e nom umha repetiçom fraudulenta do que estám a fazer na Junta da Galiza: um política continuísta e ao serviço dos de sempre.

Em Maio o voto útil para a mudança real em Ponte Areas é apoiar a lista da esquerda plural e unitária representada por Ponte Areas de esquerda pois recolhemos umha rica pluralidade ideológica e diversas experiências, trajectórias e tradiçons do movimento popular, e todo o mundo que nos conhece sabe do nosso compromisso e entrega aos interesses do povo de Ponte Areas.

Ponte Areas de esquerda somos umha candidatura composta por vizinhas e vizinhos de esquerda e incorruptíveis, por trabalhadoras e trabalhadoras, por desempregad@s, por jovens, mulheres, que tal como a maioria da populaçom nom vamos atraiçoar ninguém e que temos a firme determinaçom de pôr ao Concelho ao serviço da maioria social, das pessoas que ganhamos o pam com o suor da nossa fronte, das e dos que para viver ao dia, dia após dia, padecemos na nossa pele exploraçom e precariedade laboral, exclusom social, falta de serviços e de oportunidades para umha vida digna. Nom somos “uns mais chupar do bote”. Seremos a voz e a força da classe trabalhadora no Concelho de Ponte Areas.

Ponte Areas de esquerda compromete-se a manter constantemente informado o conjunto da populaçom sobre todas as iniciativas e passos que realizará até conformar a chave da alternativa progressista e nacional que representamos.

Ponte Areas de Esquerda nos meios

2006-11-14T21:05:00.000+01:00

"http://www.lavozdegalicia.es/ed_vigo/noticia.jsp?CAT=111&TEXTO=5667743" La voz de Galicia 28/03/07
"http://www.farodevigo.es/secciones/noticia.jsp?pNumEjemplar=2937&pIdSeccion=3&pIdNoticia=124780&rand=1174455928534" Faro de Vigo 21/03/07
"http://www.lavozdegalicia.es/ed_vigo/noticia.jsp?CAT=111&TEXTO=5647580" La Voz de Galicia 21/03/07
"http://www.farodevigo.es/secciones/noticia.jsp?pNumEjemplar=2916&pIdSeccion=3&pIdNoticia=120584&rand=1172641525741" Faro de Vigo 28/02/07
"http://www.lavozdegalicia.es/se_galicia/noticia.jsp?CAT=102&TEXTO=5585536" La Voz de Galicia 28/02/07
"http://www.lavozdegalicia.es/hemeroteca/noticia.jsp?CAT=111&TEXTO=5582666&txtDia=27&txtMes=2&txtAnho=2007" La Voz de Galicia 27/02/07
"http://www.lavozdegalicia.es/hemeroteca/noticia.jsp?CAT=111&TEXTO=5527338&txtDia=8&txtMes=2&txtAnho=2007" La Voz de Galicia 08/02/07
"Ponte Areas de Esquerda reivindica unha casa da Xuventude" VigoMetropolitano 03/02/07
"Estudiaremos as propostas ainda que nom pactaremos a calquera prezo" A Peneira, p.12, Jan.2007
"Ponte Areas de Esquerda acusa á corporación de non cumprir os convenios" A Peneira, p.9, Jan.2007
"Ponte Areas de Esquerda asegura que imporá o cumprimento dos convenios" VigoMetropolitano 05/01/07
"La nueva candidatura Ponte Areas de Esquerda aspira a convertirse en llave para el cambio político" La Voz de Galicia 29/10/2006
"Ponteareas de Esquerda presenta su candidatura a las municipales" Faro de Vigo 29/10/2006
"A candidatura Ponte Areas de esquerda asegura que será a chave do futuro goberno progressista" Vigo Metropolitano 29/10/2006
"As municipais contarán cun novo partido 'Ponte Areas de Esquerda'" A Peneira, p.9, Nov.2006

Imagens

2006-11-01T14:55:00.000+01:00